[A:212]'tshob shar ri'i spor/ /'gro 'di'i bsod nams dpal du 'dzegs pa na/ /phan bde'i ga bur gzegs ma'i thig phreng gis/ /khor yug kha ba'i sman ljongs dkar por mdzad/ /de tshe sos ka'i pad mtsho'i 'gram ngogs su/ /gnyis 'thung dbang po ring nas 'du ba dang / /'khri shing dra bas bteg pa'i lding khang na/ /ka la pingka glu dbyangs sgrog pa ltar/ /chos dang srid kyi dpal 'byor ji snyed pa/ /'bad pa med par phyogs der 'dus gyur cing / /'dod dgur spyod pa'i skal bzang bye ba'i tshogs/ /mgon de'i grags snyan mgrin pa'i rnga sgra sgrog /de ltar sras bcas rgyal ba yi/ /mkhyen brtse nor bu'i cod pan gyis/ /gang gi dbu la dbang bskur ba/ /'phrin las nus pa'i 'khor los sgyur/ /khyod zhabs zhabs sen zla dbang ni/ /rab dregs dregs ldan mtha' dag gi /gtsug rgyan rgyan mchog nor bur ni/ /mi 'dzin 'dzin ma'i khyon na su/ /der phebs nas bdag chen chos kyi rgyal po nyid kyis rgyud sde nas ji skad bshad pa'i tshul gyis bzhengs shing rab tu gnas pa brgya rtsa la sogs pa mdzad pa'i so so'i sku dngos dang dbyer ma mchis shing / byin rlabs kyi gzi 'od kyis rdul mi chags pa'i nag po chen po'i bris sku me tog ma la sogs pa'i bris sku byin rlabs can rnams dang / dam tshig gi rdo rje dril bu glegs bam/ phyag mtshan sogs dbang chas kyi rigs/ rje sa chen yab sras rnams kyi phyag bris kyi po tis gtso byas pa'i phyag dpe shin tu mang ba/ bdag chen rdo rje 'chang yab sras kyis bzhengs pa'i snyan brgyud thun mong ma yin pa'i phyag dpe ji snyed pa dang bcas pa/