[A:210]thugs dad skyes shing mngon shes rang du 'dug gsung ba byung 'dug /seng ge rtser rjes ma phebs res skyed lhas su phebs nas bdag la zhal kur gyi tshul du khyed kyi sde pa la legs po ye mi 'dug gsungs/ ji ltar yong ngam zhus pas lo gcig gnyis nas rjes med pa zhig yong ba 'dug /gzhan la ma gsung mdzod gsung ba dang / rje nyid kyi dbon nang so kun dga' ba la'ang 'phral bka' bkyon gyi rnam par khyod shi ba dang rdo ring stong pa mnyam por 'ong gsung pa'ang de kho na ltar byung ba dang / de bzhin du grwa pa sbyin bdag sogs la bslab ston gyi tshul du gnang ba'i zhal ta ji snyed pa'ang / rjes su brtags pa na ma 'ongs pa mkhyen pa'i lung bstan kho nar byung ba mang / mdor na thal byung du zhal ta gnang ba phal mo che'ang phyis ji lta ba bzhin thog tu 'bab par snang ngo / /de ltar lung rtogs kyi yon tan gyi chu klung ma lus pa gang du 'dus pa'i mkhyen brtse nus pa'i gter chen po 'di/ 'gro ba ma lus pa'i skyabs mgon gyi 'os su gyur pas/ bdag chen rdo rje 'chang chen po nyid bzhugs pa'i dus nas don gyis rgyal tshab tu mnga' gsol nas snyan brgyud kyi gdams pa chig brgyud du 'os pa rnams bum pa gang byor gnang zhing bzhugs gdan spor ba sogs bstan pa rin po che gtad pa'i bka'i phreng ba gang gi dbu la cod pan du bcings pa'i rnam dkar gyi rten 'brel mtha' dag 'grig pa'i stobs kyis/ seng ge rtse nas bdag mo chen mos skyed lhas kyi gdan sar cis kyang phebs dgos pa'i rgyu mtshan nan bskyed rim par phul ba dang / chos rje dge slong chos skyong grags pa la sogs pa