[A:208]dbyings su gzims/ /de tshe ayon mkha' 'gro'i pho brang nas/ /keng rus gzugs kyi rgyu ba'i dregs ldan de'ang / /bdag kyang rdo rje 'dzin dbang khyod nyid kyi/ /bka' 'bangs bgyid ces yud kyis 'dir 'ongs nas/ /bran ltar las kun bsgrub cing gnas pa snyam/ /thogs med kun gzigs mdzes ma'i lte bar ni/ /thogs bcas rdo rje dril bu brtan par bzhag /grub pa mchog gi grags dkar dri bsung gis/ /gangs can ri bo'i khyon 'di lha mer snang / /stong nyid snying rje ro mnyam chu ldan ni/ /rig sngags grub pa'i dbyar skyes rnga sgra can/ /khyod kyi mthu stobs rdo rje'i mda' bo che/ /gang du lhung ba'i ma rungs 'gro 'di dang / /sgrib gnyis 'khrul pa'i snang ba lhan cig tu/ /dus mtha'i me dang phrad pa'i bud shing bzhin/ /skad cig nyid la ming tsam lhag mar ni/ /mdzad pas thub bstan dkar po'i dpal ster ba/ /khyod las gzhan pa'i rigs sngags 'chang ba su/ /gang gis dam tshig rdo rje'i bka' lung gis/ /dam can rgya mtsho'i tshogs rnams mngon sum du/ /skal ldan slob ma'i bran du gtod byed pa'i/ /rdo rje slob dpon dus 'dir khyod kho na/ /de bzhin du bla ma la dad cing gus pa'i yon tan kyang / yongs 'dzin dam pa rab tu mang po'i tshogs/ de dag kyang phal cher ni gsung chos kyi bka' drin mang du nos par snang la/ kha cig ni/ ring mo zhig gi gcig nas gcig tu brgyud pa'i 'brel ba'i thugs zhen gyi dbang las dang / kha cig ni/ dag snang lhur blangs pa dang / 'ga' zung ni phar slob tshur slob tu gyur pa'ang snang mod kyang /