[A:207]ba sogs ngo mtshar ba byung / phal cher la rjes gnang zhu ba'i grabs byas nas gzims khang gi sgor sleb pa dang / chab blangs pa tsam nas sems 'jigs shing lus 'dar ba dang / dngos gzhi'i dus tha mal gyi rtog pa 'gags pa ni nges par 'byung ba nyams su myong ba yin la/ gzhan yang 'jigs su rung ba'i mthong snang sna tshogs dang / sa g.yo ba dang / sa phyogs thams cad sha chen gyi dri ldang ba dang / nam mkha' dbyings nas mi rkang gi sgra thos pa sogs ngo mtshar ba'i ltas du ma byung ba'i lo rgyus kyang mang du snang ngo / /grub pa'i snyan brgyud gsang chen man ngag gi /springs yig bdud rtsi'i mtshams sbyor ma nyams pas/ /rdo rje nag po zhal dmar cher gsal ba/ /rang nyid ji bzhin 'dren byed lam du shar/ /nA la indra'i gtsug lag khang chen du/ /mkha' 'gro lha brgyad sku yi snang brnyan ni/ /char sprin khrod na glog dmar 'khyug pa ltar/ /dus me'i phreng bas bskor ba mngon sum gzigs/ /de ltar grub dbang bram ze mchog sred de/ /kha ba'i ljongs 'dir thugs rjes byon pa na/ /bse 'bag nag po spyan 'dren lo chen kyang / /dam bca'i zol gyis skyengs te mkha' spyod bzhud/ /ha ha rgod pa'i zhing skyong dregs pa can/ /rnam rol du mas nyin bzhin khyod drung na/ /ma bsgos par yang 'phrin las kun bsgrub cing / /ba ling gtor mas 'dod dgur 'tsho ba na/ /grub pa mchog gi ded dpon kha'u pa/ /rang gi bsti gnas bas mtha'i sman ljongs dang / /bstan srung dbang po gdams par bcas pa kun/ /khyod la gtad nas zhi ba'i