[A:193]byung ngo mtshar gtam/ /gtam 'di rab thos thos pas spu long g.yos/ /de ltar bdag nyid chen po 'dis rtogs pa'i yon tan bsam gyis mi khyab pa thugs rgyud la 'khrungs pa'i tshul che long tsam brjod na/ dang po smra mkhyen tsam nas sngon gyi gnas gsal bar mkhyen cing srung ma rnams kyi sku'i rnam 'gyur ci rigs par gzigs pa dang / dgung lo bco lnga tsam bzhes pa'i tshe phyi rol gyi snang ba 'di thams cad na bun lta bur gzigs shing / gdod ma'i mgon po rang rig rang gsal 'di kho nar 'dug snyam pa'i thag chod thugs rgyud la rang shar du 'khrungs/ de lta bu chos rje bsod nams dbang phyug pa la zhus pas bar chod yin nyen yod sku mtshams shig mdzad pa drag gsung / de bzhin rgyal tshab dam pa kun dga' dbang phyug pa la zhus pas/ slob dpon pa la rgyu mtshan ci yod/ thugs dam khyad par can thugs rgyud la 'khrungs 'dug /nang pa gzhan dang mi 'dra ba cig 'dug pas de tsam 'ong thang gsung dgyes tshor chen po mdzad/ de dang nye ba'i dus zhig gi tshe mnal lam du ngor bla brang du phebs pas rgyal tshab dam pa dang mjal de'i gsung nas/ sa dang chu gnyis ma 'dres pa/ /chu dang sa gnyis ma 'dres pa/ /'dres pa'i skyon gyis ma gos pas/ /deng 'dir khyod la bde legs shog /ces pa'i brda'i tshigs bcad dang bcas pa'i me tog gi char 'bebs pa'i ngang nas sngar gyi thugs nyams de gsal btab pa'i tshul gyis je gsal du gyur nas rgyal tshab dam pa dang dbyer med du 'dres pa lta bu'i 'od gsal bde ba chen po'i ngang du yun