[A:192]mang du mdzad/ mdor na bde stong gnyis su med pa'i ye shes kyi rnam rol las byung ba'i rnal 'byor rnam pa bcu gnyis nyin mtshan khor yug tu dus 'da' bas tha mal pa'i mtshan rtog gi spros pa'i skabs cung zad kyang mi rnyed pa yin no/ /nags tshal khang bu nyams dga'i bsti gnas na/ /ri yi chu ni rdza rnga'i sgra ldan zhing / /bung ba sbrang rtsis myos pa'i gling bu bsgyur/ /nags kyi byi'u skyo ba'i glu dbyangs 'tsher/ /mi med dben pa'i ri sul zab mo der/ /zla med ri dwags dman ma ji bzhin du/ /bla med bla ma'i snyan brgyud bsgom pa'i mthus/ /spros med bde chen ye shes khyod kyis brnyes/ /kun rtog sbyang gzhi'i snang brnyan ji snyed pa/ /rang rig skad cig 'char sgor thag chod nas/ /de nyid rim gnyis zab mo'i ting 'dzin du/ /bsgyur nas dag pa'i snang bas rgyas btab ste/ lam byed rnam bzhi'i gnad du bsnun pa'i tshul/ /gzhi lam 'bras gsum dbyer med don smra ba'i/ /gsang chen zab mo'i bcud kyi snying po 'di/ /khyod nyid kho nas bdag gir mdzad pa snyam/ /de ltar rdo rje 'chang gi thugs kyi bcud/ /log rtog dri mas dben pa nges pa'i don/ /rtag par nyin mtshan khor yug nyams blangs na/ /tshe 'dir zung 'jug 'grub las 'os ci yod/ /snyan brgyud sgo brgya phye ba'i 'chi med grong / /snang stong ye shes sgyu ma'i gur khang na/ /bde chen dbang bzhi'i bdud rtsir rtag rol pa'i/ /gsang chen 'khor lo'i dbang phyug e ma mtshar/ /kun khyab khyab bdag dang po'i sangs rgyas khyod/ /khyod nyid ma lus lus can kun gyi skyabs/ /skyabs mchog mchog gi rmad