[A:189]lhur len pa/ /skal ngan de dag skal brgyar dmyal ba'i rgyu/ /e ma yab rje rdo rje 'chang dbang gtso/ /sna tshogs sprul pa'i zlos gar sgyur ba la/ /bdag lta'i tshig gis brjod par ci zhig nus/ /de bas rang sems bla ma'i rang zhal ltos/ /de dag la 'di skad ces bya ste/ bdun cu rtsa gnyis dam pa'i yongs 'dzin bsten/ /rgyud sde rgya mtsho'i tshig don thugs su tshud/ /gangs can mkhas pa kun gyi rtse mor son/ /dang por rgya chen thos bsam mdzad tshul lags/ /zhes so/ /de ltar thos bsam gyi sgro 'dogs bcad pa'i don rnams rtse gcig tu nyams su bzhes pas thugs rgyud la lung rtogs kyi yon tan bsam gyis mi khyab pa 'khrungs te/ skal ldan gyi 'gro ba rjes su bzung zhing bstan pa dang sems can gyi don rgya chen po mdzad tshul ni/ spyir rgyal ba'i gsung rab rab 'byams thams cad dang / khyad par rgyud sde rin po che dri ma med pa'i rnam grangs bsam gyis mi khyab pa byung tshul/ de dag gi dgongs pa 'phags yul du 'grel byed tshad ldan mi 'dra ba du mas bkral tshul/ gangs can gyi ljongs su 'gyur tshul/ rje btsun sa skya pa yab sras sogs bod kyi mkhas grub dag gi bzhed srol so so ma 'dres la yongs su rdzogs pa/ phyogs re tsam ma yin par lam gyi lus yongs su rdzogs pa'i gnad thams cad lung rigs kyi lam nas legs par drangs shing snyan brgyud kyi gdams pas brgyan nas thugs su chud cing / de dag gi snying po'i bcud phyung ba'i spros bcas dang spros med kyi nyams len gyi rim pa