[A:188]'gyur ro/ /zung gis lhag pa'i yongs 'dzin bcu phrag bdun/ /lhag par bka' drin che ba'i bla ma gsum/ /gcig pu 'gran zla bral ba'i sa skya pa/ /mnyes pa gsum gyi sgo nas bsten pa'i mthus/ /'phags yul ma dros chu gter las 'ongs pa'i/ /rgyud sde rnam bzhi'i chu klung bye ba brgya/ /snyan brgyud bdud rtsi'i gzegs ma 'thor bzhin du/ /khyod thugs rgya mtsho'i ljongs su dal gyis zhugs/ /de ltar rgya chen thos pa'i chu gter cher/ /rnam dpyod gzings chen rol pa'i kha lo pa/ /rang gzhan grub mtha' rgya mtsho'i pha rol tu/ /son pa'i ded dpon sngon med 'di ya mtshan/ /rgyal sras rgyal ba'i chos 'tshol rtag tu ngu / /nor bzang nor gyi snying po chos bsgrub ltar/ /mkhas khyod mkhas pa'i bshes gnyen mang bsten nas/ /zab lam zab mo'i bdud rtsi'i gter du gyur/ /rab yangs rnam dpyod padma'i skyed tshal du/ /yongs 'dzin nyin byed dbang po 'dzum dkar lam/ /zab rgyas gdams pa'i 'od phreng cher spros pas/ /lung rtogs sbrang rtsi'i rgyal mtshan bzhad par gyur/ /blo chung phyogs re'i khron pas sems khengs pa'i/ /nga rgyal mngon rlom rus pa'i gos can dag /thos pa rgya mtsho'i pha mtha' 'di mthong tshe/ /snying la bzod med zug rngu ma byin nam/ /dngos grub bde blag 'byung ba zab mo'i lam/ /snyan brgyud bdud rtsi'i bcud chen 'di myangs tshe/ /thun mong tsam gyis rang mgo bskor ba dag /yun ring mya ngam thang la ma 'khyams sam/ /mkhas min mkhas pas khrel na blun po 'ga'/ /mkhas mchog 'di nyid mkhas pa min no zhes/ /phrag dog tshig gi phra ma