[A:189]khyung po rnal 'byor du grags pas bod yul du spyan drangs pa'i shangs pa bka' brgyud kyi chos skor/ jo bo rje dpal ldan a ti sha nyid nas brgyud pa'i lha bzhi chos gsum thig le bcu drug sogs bka' gdams lugs kyi chos skor/ grub chen dam pa rgya gar nas brgyud pa'i zhi byed kyi chos skor/ bod yul gyi rang byung gi mkha' 'gro ma ma gcig labs kyi sgron ma'i chos skor/ slob dpon chen po padma 'byung gnas kyi thugs bcud gsang sngags snga 'gyur gyi bka' gter gyi chos mang po sogs/ mdor na 'phags yul nas 'gyur ro cog /bod yul na grags pa'i rdo rje theg pa'i chos tshul phal mo che gsan par mdzad cing / de dag kyang gsan pa tsam du ma zad dpyis phyin par tshig don gyi sgro 'dogs mtha' dag chod par mdzad pas/ rdo rje theg pa'i zab lam ji snyed pa'i mnga' bdag chen por bzhugs pa yin cing / lhag par dpal ldan sa skya pa'i snyan brgyud kyi gdams pa zab mo rnams yongs su rdzogs par bzhugs pa ni dus 'dir rje 'di bas lhag par lta zhog mnyam pa tsam yang sa'i steng na med par thag chod cing nges pa'i shes pa gting nas skyes pas/ slob ma yang slob brgyud 'dzin dang bcas pa thams cad skal ba bzang bar shes par byos shig /de dag kyang 'dir yi ge mang bas 'jigs pas zhib par ma bris/ don du gnyer ba'i dpyod ldan dag gis rje bla ma'i gsan yig thor bu dum bu mang por gnas pa dang / zhabs 'bring ring du bsten pa'i zhal slob dag gi gsung las nyan pas ngo mtshar gyi snang ba ches cher skye bar