[A:180]sa skya pa/ /gang de'i thugs kyi lcags kyu yis/ /khyod thugs gnyis 'thung rab drangs shing / /bstan srung rgya mtshos snyan brgyud kyi/ /bdag por 'os pas yang yang bskul/ /de tshe dpyid kyi nyi gzhon sbrang chang gis/ /myos pas 'gram pa'i rdul chu nag po'i rgyun/ /gzegs ldan glang chen pad mtshor bsnyegs pa bzhin/ /dpal ldan sa skya'i sa yi thig ler byon/ /der ni li khri'i rdul dmar 'khrigs pa'i gzhir/ /nyi zer bye bas lan brgyar byugs pa lta'i/ /ngur smrig 'dzin pa'i mkhas mang bye ba brgya'i/ /cod pan nor bu'i khri la zhabs bkod pa'i/ /'jam pa'i rdo rje ngur smrig 'chang ba'i dpal/ /khyab bdag 'khor lo'i mgon po sa skya pa/ /chos kyi rgyal po blo gros rgyal mtshan dpal/ /khams gsum 'gran zla bral ba'i bshes gnyen de'i/ /zhal gyi zla dbang dkar po'i dkyil 'khor ni/ /gzigs pa'i mod la gzung 'dzin padma zum/ /lhan skyes bde chen ku mud 'dzum dkar gyis/ /rab dga'i ting 'dzin ming gi lhag mar byas/ /sa srungs can gyi ba gam cher mtho ba'i/ /chu 'dzin rol pa'i khang bzang mthon po'i rtser/ /dbyar skyes gzhon nu myos pa'i glu dbyangs kyis/ /nags kyi mdzes ma'i snying la dga' ston bzhin/ /zab yangs li shi'i 'khri shing lding khang nas/ /ngag dbang yongs 'dzin lha mo'i bka' yig gi /legs bshad rgyud mang sngon po sgreng ba'i sgra/ /skal bzang snyan gyi utpal rtser phyogs pas/ /rnam dpyod thugs kyi rgya mtsho che/ /rgya chen lung gi rba rlabs g.yo/ /rmad byung rtogs pa'i nor bus gtams/ /grags dkar ri bo'i mtshams las