[A:179]mtshan gsum la gsan pa'i man ngag mtha' dag dang / rje ngor pa nas brgyud pa bdag chen kun dga' dbang phyug pa la gsan pa sogs bum pa gang byo zhus/ nag po chen po gdong bzhi pa'i thun mong dang thun mong ma yin pa'i rjes su gnang ba/ de dang rjes su 'brel ba'i rgya bod kyi yi ge mang po'i lung zhal shes lag 'khrid dang bcas pa/ dpal ldan sa skya pa'i gser chos dmar po skor gsum du grags pa'i thun mong dang thun mong ma yin pa'i rjes gnang / yi ge'i lung mtha' dag so so'i zhal shes 'khor lo'i lag 'khrid dang bcas pa tshang mar gsan/ dpal dur khrod kyi bdag po'i rjes gnang / yig lung / dkar mo nyi zla dang / bdud rgyal thod phreng can gyi rjes gnang / yig lung sogs/ mdor na dpal ldan sa skya pa'i zab chos su grags pa phal mo che gsan par mdzad cing / khyad par bdag chen rdo rje 'chang chen po nyid kyi gsung nas/ mgon po'i thun mong ma yin pa'i man ngag 'di rnams gdung brgyud rim par ded kyi bar chig brgyud du byon pa yin/ da dung kyang gdung brgyud zhig la spel ba'i 'dun pa byas/ bdag po bsod nams rgyal mtshan pa sa skyar gdan drangs pa yin na'ang / gnas tshul de bzhin byung ba sogs khyed rang gi bsod nams su 'dug /da khyod las gzhan 'os mi 'dug gsung nas bka' rgya dang bcas te gnang ba yin no/ /ma lus rgyal ba'i blo gros chu mtsho las/ /legs 'ongs bshes gnyen yid bzhin dbang gi rgyal/ /mkhas grub bye ba'i gtsug gi rgyal mtshan rtser/ /mngon par mchod pa'i rje btsun