[A:181]brgal/ /de ltar bdag med mkha' 'gro'i thugs kyi bcud/ /khyod blo rgya mtsho'i 'jing du thims pa na/ /rnal 'byor dbang phyug sau raShta ru/ /lhan skyes bde ba'i zol gyis mnyam par bzhag /de la phrag dog deng dus mkhas rlom brgya/ /gsung ngag 'chad pa'i zol gyi mthon po'i khrir/ /'dzegs nas rang gi de nyid phyogs brgyar ston/ /dpyod ldan mkhas pa'i bzhad gad 'di ngo mtshar/ /de nas bcom ldan 'das kyi nyan thos shA ri'i bu nyid/ rgya bod du mkhas grub du ma'i tshul bzung ba'i mthar/ dus 'dir dga' ldan gyi gnas nas byang phyogs kha ba can gyi ljongs su rdo rje theg pa'i bstan pa rin po che spel ba la bsam bzhin du sku skye ba bzhes pa'i mkhas grub chen po chos kyi rje rin chen mkhyen rab mchog grub dpal bzang po'i drung du/ pha rgyud kyi gtso bo dpal gsang ba 'dus pa mi bskyod rdo rje 'phags lugs kyi dbang / rim lnga dmar 'khrid/ nag 'khrid/ de dag dang 'brel ba'i rgya bod kyi yi ge rab tu mang po'i lung / bshad pa/ gshin rje gshed dmar po lha lnga dang / bcu gsum ma'i chos skor du ma/ phyag na rdo rje 'khor lo chen po'i chos skor/ ma rgyud 'khor lo bde mchog nag po pa'i skor/ ma hA mA ya/ kye rdo rje mtsho skyes lugs/ mai tri dang / nA ro mkha' spyod ma'i skor/ phag mo'i gzhung drug gi skor la sogs du ma/ gnyis su med pa dpal dus kyi 'khor lo'i zab lam rdo rje'i rnal 'byor sbyor ba yan lag drug pa'i 'khrid/ bu ston rin po che nas brgyud pa'i yi ge'i lung sogs cha tshang / tshe dpag med 'chi med rnga sgra'i dbang / grub rgyal lugs kyi