[A:178] zhar byung bar do'i nyams len de dag gi tshod 'dzin rmi lam gyi gdams pa/ dbang bzhi gdan thog gcig tu nyams su len tshul/ de nyid rig pa skad cig ma gcig gi ngang du skyong tshul sogs thun mong ma yin pa'i zab gnad med du mi rung ba du ma dang bcas pa/ mdor na bogs 'don gegs sel sogs phra zhing phra ba nas lag 'khrid/ nyams 'khrid/ chig 'khrid skabs su gang bab/ bstan bcos tshad ma rdo rje'i tshig rkang gi gzhung gi bshad pa'ang lung tsam gyi zol zog min par thugs thog nas 'bru non 'brel chags dka' gnad kyi bshad pa sogs ches cher sgro 'dogs chod par mdzad pas/ phyi nang gsang ba de kho na'i rten 'brel mtha' dag cig car 'grig ste/ tshad ma snyan brgyud bzhi'i mnga' bdag chen por bzhugs pa yin no/ /gzhan yang lam skor phyi ma brgyad cha lag dang bcas pa/ dpal rdo rje nag po chen po gur gyi mgon po lcam dral lha gsum/ lha brgyad/ las mgon pu tra ming sring gi rjes gnang sogs dang / de dag gi rgya bod kyi yi ge rab tu mang po phyogs gcig tu bsgrigs pa mgon pod me 'bar mar grags pa'i lung / der ma thus pa'i nag po chen po'i yig skor shin tu zab pa mang po'i lung / phyi sgrub kyi lag 'khrid zhal shes/ nang sgrub thun mong ba yar klungs pa nas brgyud pa dang / thun mong ma yin pa gdung brgyud rim pa las byung ba/ gsang sgrub kyi nyams 'khrid rnams thugs myong ma skyes kyi bar du gsan cing nyams su len par mdzad/ mdor na bdag chen 'jam dbyangs chen pos bla chen kun rgyal ba mkhan chen bsod nams rgyal mchog pa/ bar sdings pa rdo rje rgyal