[A:177]ba'i gdams pa gsung ngag rin po che slob bshad kyi sgo nas zla ba bco brgyad kyi bar du nyams 'khrid du gsan/ de yang rgyu dus kyi dbang / bdag med lha mo bco lnga'i dbang / de'i sin dhu ra'i byin rlabs/ lam dus kyi lus dkyil gyi dbang / brda don gsal ba'i 'khrid byin rlabs dang bcas pa/ lam zab bla ma'i byin rlabs/ rnal 'byor dbang phyug gi thun mong dang thun mong ma yin pa'i byin rlabs/ bla ma rin 'byung / tshar gsum khug pa/ brda gcig brgyud/ lam sbas bshad/ gsang bcu'i rgyas btab/ sgrub pa lung sbyin yan chad tshang la yongs su rdzogs pa de dag dang rjes su 'brel ba'i gsung ngag glegs bam sogs rje btsun gong ma'i yi ge /rje rdo rje 'chang chen po yab sras kyis mdzad pa'i yi ge sogs rje de nyid la gang bzhugs pa thams cad bum pa gang byo'i tshul du gsan par mdzad do/ /de dag gi phyag len kyang deng sang gi lam 'bras par khas 'che ba'i mkhas rlom rnams dang thun mong du ma gyur cing de dag gi rna ba'i lam tsam du'ang thos par dka' ba'i zab gnad/ dbang bskur ba'ang tshig ris kyi bshar sbyang tsam min par/ gdan gsum tshang ba'i sbyang gzhi sbyong byed legs par ngo sprad pas sngags kyi sdom pa skye nges/ lhag par rgyu dbang gi skabs su dbang stegs kyi dkyil 'khor rgyas pa rje btsun gong ma'i yi ge las 'byung ba'i phyag len gyi rgyun ma nub pa/ 'khor 'das dbyer med kyi lta ba'i ngo sprod kyang na yams tsam ma yin par rgyud gsum shin tu rgyas bshad dang bcas pa la rig thog tu bdar sha chod pa'i nyams len gyi rkang tshugs pa/ lam sogs nyi shu tshang ma'i 'khrid/