[A:176]thams cad khyer nas sa skya phyogs su 'phur 'gro ba sogs cho 'phrul gyi rnam pa bsam gyis mi khyab pa byung / de bzhin du phyags phyi ba de la'ang byung nas/ kho na re da cis kyang sa skya la byon pa drag /mi 'byon na ngas phyags phyi la sdod mi nus par 'dug zer ba zhus/ de nas glo bur du chas rdo ring sogs rim par brgyud dpal ldan sa skyar phebs/ bdag chen chos kyi rgyal po'i zhabs drung du mjal/ phyag rdzas kyi dngos po rnams 'khor gsum yongs su dag pas phul/ bdag nyid bya bral kho na la thugs gtad/ thugs yid gcig tu 'dres/ rje'i gsung nas deng sang lam 'bras tshogs bshad zla ba bzhi pa zhig 'dzugs pa yod pas 'di gsan/ de nas khyed rang gi sngar sor gsung ba'i chos rnams 'ong bar byed gsung pa ltar gsung ngag tshogs bshad tshar gcig thog mar gsan/ de rjes phyags phyir mthil bzhugs mdzad/ lugs gnyis kyi bka' sgrub pa'i khur bzhes/ ji ltar tshong dpon gyi bu gzhon nu nor bzang gis dge ba'i bshes gnyen bsten pa'i tshul lam/ byang chub sems dpa' rtag tu ngus 'phags pa chos 'phags bsten pa ltar/ rtse gcig tu lhur mdzad pas/ lam zab bla ma'i lam gyi rten 'brel mtha' dag rang shugs kyis 'grig ste/ rnal 'byor dbang phyug dpal ldan birWa pa'i thugs kyi bcud/ rje btsun sa skya pa yab sras la tshad ma snyan brgyud bzhi ldan bar ma chad par bzhugs pa'i nyams bzhes kyi gtso bo rje nyid la brgyud pa gsum gyi chu bo gcig tu 'dus shing / khyad par rje sems dpa' chen pos gzhan la cher ma gnang