[A:594]dgos gsungs pa bzlog kyang / de'i gleng bslang byung gi dogs nas dbyar dang ston gnyis phyi ba khung sogs kyi lung stong du gcig pur gzhugs nas thugs dam mdzad/ dgun rdzing lung du bzhugs pas/ glang lo'i dpyid mkhan chen sangs blo bas cis kyang grwa tshang gi bshad nyan gyis/ mi kun khyod bsten ma shes zhes nga la 'thab tu 'ong bar 'dug gsungs pa la/ 'dod bzhed med pa'i rgyu mtshan zhus nas/ glang lo'i mjug tu lha sar byon/ stag lo'i cho 'phrul chen po la phyag dang bskor ba la sogs bsags sbyangs kyi rnal 'byor mdzad/ de nas nyan stong du chos rje rgyal mchog pa bzhugs pa'i drung du byon te/ mkhan po gzhung lugs rab 'byams smra ba'i bshes gnyen gangs can kun dga' dpal/ las kyi slob dpon don rin pa/ gsang ste ston pa chos rje rgyal tshab pa/ chos rje rgyal mchog pa rnams la sogs pa dad pa'i dge 'dun nyi shu rtsa gsum gyi dbus su so lnga pa chu pho stag gi lo a mi yol du bsnyen par rdzogs par mdzad do/ /de nas bo dong bar chos rje rgyal mchog pa'i chag phyi mdzad nas/ mus su byon te/ so drug pa yos lo la mus su bzhugs pa'i tshe/ shog bu tshal du bla ma nam chos pa bde bar gshegs pa'i nub mo/ rje 'di'i mnal lam du/ bla ma nam chos pa bde ba can du gshegs/ khyod kyang de nas lo bzhi bcu zhe gnyis na bde ba can du 'gro ba yod ces zer ba cig byung gsung ngo / /de'i ston chos rje rgyal mchog pa chu 'dus su bzhugs pas/ bshad nyan la shog gsungs pa'i pho nya phyag rtags dang bcas pa phebs/ bshad nyan mi byed kyang / de'i rgyu mtshan dang / sa skyar bka' lung zhu ru 'gro ba'i zhal da zhu ba la de ma thag byon pas/ chos rje dges nas/ sde de'i rigs bzang ba dang / nor phyug pa'i grwa pa sprod pa dang / 'jig rten gyi zang zing mang po 'ong ba'i zhal da gnang gin 'dug kyang / thugs la 'phrod pa tsam ma byung bar/ sngar ngam rings su slob dpon sangs blo ba la rigs