[A:593]kyi TIka /mdzod chen gyi TIka shog bu bcu bzhi tsam chos thun re la gsungs pa rnams rje 'di kho nas bskyor ba dang / dbu ma'i spyi don dgag sgrub dang / lung rab tu mang po dang bcas pa rnams kyang / rje 'di kho nas bzung nus pas/ chos rje rgyal mchog pas shes rab che ba'i mtshan gzhi gcig la phyogs kun du bsgrags par mdzad do/ /khyad par du sum cu pa la dngul chu'i chos rdzong du/ bla ma gser gling pa nas brgyud pa'i theg pa chen po'i blo sbyong nyams khrid du zhus nas bsgoms pas/ byang chub kyi sems gnyis kyi rtogs pa skyes pa'i tshul ni 'og tu brjod par bya'o/ /so gcig pa sa pho khyi lo la snyigs dus kyi thub dbang gnyis pa rong ston chos rje bzang ldan du bzhugs pa'i drung du byon te/ phar phyin gyi skabs bzhi pa dang / rnam 'grel gyi gzhan don le'u'i bshad pa dang / rje de nyid kyis mdzad pa'i dbu ma'i stong thun rnams gsan no/ /de'i ston rje de nyid dang / sa bzang na chos rje rgyal mchog pa bzhugs pa gnyis kyis/ chos rje nam mkha'i drung du gdams ngag zab mo zhu ba'i snyan zhus la btang ste/ bla ma'i drung du zhus nas/ dam pa de nyid gnas gsar du gdan drangs/ rong ston chos rje zla ba gnyis tsam bzhugs te/ ni gu dang bde mchog snyan brgyud sogs gdams ngag du ma gsan nas la stod lho la thegs/ chos rje rgyal mchog pa de'i dgun/ phag lo'i dpyid dbyar rnams la de nyid du bzhugs nas/ bo dong du gdan drangs pa'i chag phyi rje 'di nyid kyis mdzad/ slar gnas gsar du byon te ni gu la sogs pa'i khrid rnams bskyar ma zhus/ chos 'phro rnams phal cher rdzogs nas/ byi lo nag pa zla ba'i tshes bcu drug la chos rje nam mkha' ba bde bar gshegs pa'i gsol 'debs/ gshegs rdzongs/ /gdung rus sA tstshar btab pa/ phyi rten tshun chad grub ste thugs dgongs rdzogs par mdzad do/ /de nas sngar ngam rings su mkhan chen sangs blo bas grwa tshang gi bshad nyan