[A:595]bzang ba lha'i dbang po brgya byin/ nor phyug pa rnam thos kyi bu byung kyang 'dod pa med ces pa'i zhu phod phul ba de thugs la mnga' bas/ 'di lta bu'i zhal da gnang ba'i sgo med ces zhus te/ zhu ba dka' se ba zhig la grub bo/ /de dag gi skabs su yongs 'dzin gzhan las dam pa'i chos ji ltar gsan pa'i tshul ni/ byang seng pa'i gcung po mkhan chen brtan bzang pa la ba ri ba'i bskang bzlog gsan/ byang seng ba'i slob chung bkra shis rgyal ba la 'dul ba'i gleng 'bum gsan/ mkhan chen brtan rgyal ba la bu ston chos 'byung dang / don zhags lha lnga'i dbang la sogs pa gsan/ bla ma kun blo pa la spyod 'jug dang 'dul ba lung la sogs pa gsan/ gangs pa kun dga' bzang po ba la sum pa lo tsA ba'i snyan brgyud gsan/ /spos khang pa rin rgyal ba la ched du brjod pa'i tshoms gsan/ gnas rnying pa rin rgyal ba la zhi byed kyi skor pusti drug tsam gsan/ bdag chen gzhi thog pa blo gros rgyal mtshan pa la tshad ma'i thun tshags gsan/ mi nyag jo gdan dpal bzang ba la chos cung zad dang / mnga' ris pa bha dra shrI la phyag drug pa'i skor kha cig dang / jo nang du sgrub pa po dbus ma la rdo rje sems dpa'i bsgom bzlas gsan/ hor bka' bzhi pa seng ge rgyal mtshan la grub thob brgyad cu'i bstod pa dang / lam 'bras pa blo bzang pa la lam zab/ bla ma bka' bzhi pa dpal ldan seng ge la sa sde'i pusti bzhi tsam dang / byang chen du bya bral ba bsod blo ba la ma Ni'i lung rnams gsan/ theg chen chos rje'i drung du bde mchog lo hi pa'i dbang / dbu ma lugs kyi sems bskyed gsan/ bka' lnga pa dpal 'byor shes rab la 'jug pa'i bshad pa dang / rten 'brel snying po'i khrid rnams gsan/ mdog glo mkhan po yon tan dpal mgon pa la 'dul ba mdo rtsa/ rgyas 'grel 'od ldan la sogs pa gsan/ gtsang gzhung pa slob dpon tshul bzang ba la dpe chos rin spungs dang / lha sa gru khud?khung