[A:591]pa la ngam rings kyi chos sde chen por slob dpon chen po blo gros rgyal mtshan pa dang / de'i slob chung dge ba'i bshes gnyen sangs rgyas blo gros pa dpon slob kyi drung du bsnyen te/ gtso bor phar tshad la thugs sbyongs/ sangs rgyas blo gros pa las jo bo'i chos chung brgya rtsa'i lung rnams gsan te/ nyer gsum pa la chos grwa de nyid du grwa skor yang mdzad do/ /nyer bzhi pa la bzang ldan gyi mkhas pa chen po thugs rje dpal ba la stod lhor byon pa'i chag phyir byon/ lo gcig tsam bzhugs nas lung rigs la legs par sbyangs nas dngos stobs rigs pa'i dbang phyug chen por gyur to/ /pha rol gyi rgol ba gang la yang mi 'jigs pa'i spobs pa thob par gyur to/ /nyer lnga pa la 'dzam gling mkhas pa'i dbang po g.yag sprug sangs rgyas dpal la stod lhor phebs pa dang mjal te/ phar phyin gyi bshad pa tshar phyed dang gnyis/ mdo sdud pa/ mi g.yo ba dkar po'i sgrub thabs kyi lung / dbu ma lugs kyi sems bskyed rnams gsan te/ de nyid kyi lo gdan sa chen po dpal ldan sa skyar grwa skor mdzad de bshad pa dang ston pa la kun gyis mthun snang du grub par gyur to/ /nyer drug pa la mdog gi tsha sna zhes bya ba'i gtsug lag khang du/ gangs can mkhas pa'i gtsug rgyan sems dpa' chen po gzhon nu rgyal mchog pa dang mjal te/ chag phyir byon/ lung rigs la thugs sbyangs nas/ nyer bdun pa la gnas gsar du chos rje nam mkha'i rnal 'byor pa mjal du byon pas/ sngar gcod khrid zhus pa'i dus kyi dge sbyor gyi brtson pa drag po dang / nyams rtogs kyi 'khrungs lugs khyad par can rnams la thugs dgyes pa'i stobs kyis ni gu cig zhus nas dge sbyor la dril ba cig 'thad ces pa'i zhal da gnang ba la/ 'dul mngon dang dbu ma rtsa 'jug sogs puu sti 'ga' yar zhig la grwa skor byas nas/ de nas dge sbyor la dril ba zhu zhes zhus pas/ chos kyi don go na grwa skor ma byas kyang