[A:613]rmis/ yang zhwa lu'i sa cha 'dra ba cig na chos khri chen po gnyis 'dug pa dris pas/ bu ston rin po che dang / sems dpa' chen po gnyis kyi yin zer/ de gnyis las che ba cig 'dug pa dris pas/ khyod kyi yin zer ba rmis/ yang nub gcig chos rje rin po ches mchod stegs 'dra khra yal yal zhig gtad nas/ 'di na bza' brag phug pa'i yin/ khyod gzhan don rgyun ring ba'i rten 'brel byed pa yin zer ba rmis so/ /bdun pa la gnyis te/ rgyu rgyal tshab tu dbang bskur ba'i tshul/ 'bras bu phrin las mdzad pa'i tshul lo/ /dang po ni/ 'dren pa mchog gis zhes sogs tshigs bcad gnyis te/ skyes bu dam pa rnams ni/ dam pa gong ma'i srol bzung nas/ rjes 'jug gi gdul bya rnams kyi mgon skyabs mdzad pa ni chos nyid do/ /de yang 'di ltar bsam gtan phug gi sku mtshams grol nas/ re dgu pa me pho byi ba'i lo la skal ldan mang po la gsung chos mang po btsugs te/ 'khor lo bde mchog gi chos skor mang po dang / lam 'bras kyi snang ba gsum gyi khrid song ba'i tshe/ e waM chos ldan nas/ chos rje'i phyag rtags dang bcas te gdan 'dren pa byung nas sa ga zla ba'i tshes bcu la bteg ste/ nyi shu gsum la e waM chos ldan du phebs so/ /de yang chos rje'i dgongs pa la/ tshes bcu tsam la phebs sam snyam nas bya bral ba e byung ltos zhes yang yang gsungs shing / nam mkha' la 'ja' 'od kyi bye brag mang po dang me tog gi char yang mang po byung ngo / /bcu'i nyin par yang de bzhin du byung yang / nyi shu lnga'i bar brtan par bzhugs pa ni/ rje 'di nyid la bstan pa gtad pa'i ched du yin par nges so/ /de nas nyi shu bzhi'i nyin/ zho bco brgyad yod pa'i gser thig po cig gis mgo byas/ gser zho sum cu so bgrang zhig phul nas mjal ba'i tshe/ chos rje nyid kyi sku chos dang / rdo rje dril bu dang / rje sa chen gyi yin thang rnams gnang nas/ rjes kyi bya ba