[A:611]bshes seng ge grags pa la khams phyogs kyi rnam rtog du ma skyes pa'i nang par/ de lta bu'i rtog pa 'og 'gyu ma byed par dge sbyor gyis gsungs pa dang / bla ma dbon po la chags pa'i rnam rtog mngon gyur du skyes pa'i tshe/ gdong la phyag mdzub btsugs nas/ sdug phrug 'di la rtog ngan rgyus byung ngas e bshad gsungs pa la/ mi gsung bar zhu zhes zhus so zhes khong rang gnyis las thos so/ /gnyis pa ni/ 'khor lo bde mchog ces sogs tshigs bcad bzhi ste/ dang po gnyis kyis bzlas pa'i rnal 'byor/ gsum pas thun mtshams kyi bya ba/ bzhi pas bza' ba dang / nyal ba dang / ldang ba'i rnal 'byor gsum bstan to/ /de yang bdag nyid chen po 'dis 'khor lo bde mchog dang / 'jam dbyangs dang / gshin rje'i gshed dang / ma hA kA la dang / spyan ras gzigs la sogs pa'i gsang sngags bye ba du ma rab tu bzlas par mdzad de/ yig drug bye ba bdun song gsungs shing / gzhan rnams la yang rgyun du thugs dam mdzad par snang ngo / /khyad par rtsa sngags aShta sngar 'bum phrag drug /lha gong du 'bum phrag bdun bzlas pas mnal lam du yi dam gyis lung bstan par nges te/ rgyu dus kyi dbang bskur zhig gi dus su/ mtshan ma'i bsnyen pa tha ma ming gdags su chud tsam byung bas zhes gsungs pa dang / e waM chos ldan du bzhugs pa'i nub gcig gling skya'i rgyab ri de na ga ya dha ra'i bum chu yin zer ba'i chu chen po skya chil ba cig brdol byung bas/ de ma thag tu chos gos la gshog pa mdzad nas gling skya'i brag la 'phur song ba rmis gsungs pa dang / yang bde mchog gi bsnyen pa mdzad pa'i tshe/ ri ngos chen po cig bde mchog gi rdul tshon gyi dkyil 'khor chen po cig gis khebs 'dug par rmis gsungs so/ /thun mtshams kyi gnas skabs su mchod gtor la sogs pa dge ba'i bya ba 'ba' zhig gis dus 'da' bar mdzad cing / spyod lam gyi tshe/ lhag pa'i lha'i