[A:608]par mdzad cing / bde dges gsang gsum dang kun rig gi phyag len rnam par dag pa'i sgrub mchod kyi rgyun yang 'dzug par mdzad do/ /de nas bzung ste gtso bor sgrub pa la gzhol zhing / chos rje'i gsung dang du len pa'i rgyu mtshan gyis skabs skabs su gdul bya skal ldan rnams la gsung ngag la sogs pa zab mo'i chos kyis tshim par mdzad pa'i ngang nas/ nga gnyis pa la/ e waM chos ldan du lan cig phebs/ slar yang nga dgu pa me pho stag gi lo la e waM chos ldan du phebs nas gsung ngag zhus pa'i tshe/ chos rje bzang po'i zhabs gsung ngag gi dam tshig gi bshad pa yan rdzogs nas/ yangs pa'i sa chen po la dbang bsgyur ba rin spungs pa sku mched kyis gdan drangs te/ rje 'di nyid la lam 'bras pa rnams la bdag med ma'i dbang bskur zhig gyis la lta ba 'khor 'das dbyer med shod/ mkhar rnga 'di sa skya paNDi ta'i chos rnga yin pas chos brda thong gsungs nas gshegs pa'i rjes su bka' bzhin bsgrub pa la zla ba gnyis bzhugs so/ /de nas dpal nA lendrar rong ston chos rje'i spyan sngar mjal du byon nas/ phar phyin khrid yig /mi g.yo ba dkar po'i rjes gnang / bsgom rim tha ma'i bshad pa rnams gsan nas/ de phyogs kyi dge ba'i bshes gnyen che bar grags pa/ glang thang spyan snga ba kun dga' rgyal mtshan pa la sogs pas chos zhu ba'i ched du thabs kyis gdan 'dren par mdzad na yang / der ma bzhugs par mus su byon no/ /re gcig pa la chos rje bzang po'i zhabs mnga' ris su thegs pa'i rjes su/ phyag rtags dang bka' zhal la brten nas/ e waM chos ldan du gsung ngag la sogs pa'i zab chos du mas der bzhugs pa'i dge 'dun rnams tshim par mdzad nas lo gcig bzhugs/ slar yang re gsum pa dang / re bdun pa la e waM chos ldan du phebs shing / phyi ma la rgyud 'bum la sogs pa'i chos mang du gsungs so/ /de'i ston mus su phabs nas dben gnas bsam gtan phug brtsigs te/ re brgyad pa phag gi lo