[A:607]kyang kha la 'dod pa med pa skad ston pa'i spyod pa ni ci yang med snyam nas/ de dag la 'dod bzhed med pa'i rgyu mtshan dang / tshe dang sgrub pa snyoms par 'dod pa'i rgyu mtshan rnams rim par zhus nas/ yos lo la yar phebs par rtsom pa na/ chos rje'i drung du/ yar sleb nas lo gsum du mtshams dam pa cig byed/ de nas kyang phal cher mtshams ka byed par zhu zhus pas/ chos rje'i zhal nas/ spyir sangs rgyas sgrub pa la gnas lugs rtogs pa'i shes rab phun sum tshogs pa cig dgos/ de yang gsang sngags kyi rdzogs rim zab mo la brten nas sgrub pa'i tshul yod kyang / de 'grub par dka' bas/ thos bsam la brten nas bsgrub pa khye che/ de la yang gzhan la nyan pa bas/ rang gi cung zad shes nas 'chad pa 'di shes rab skye phul che bas/ yar phyogs su don gnyer ba re re tsam byung na sna lan mdzod gsungs pa thugs la bzhag nas mus su byon te/ de'i dbyar chu bzang dgon par bzhugs nas bsags sbyang gi rnal 'byor gtso bor mdzad do/ /de'i ston bzhugs nas zhe dgu pa 'brug lo tshang ma la lha gong ri khrod du rtsa sngags aShta'i bsnyen pa 'bum phrag bdun/ kha skong gi sbyin sreg dang bcas pa/ mjug tu shA sa na 'bum phrag bzhi dang bcas pa gdan gcig gi steng du mdzad do/ /de nas lnga bcu pa sbrul gyi lo la lung pa de'i nya dang ri dwags sogs skyob pa dang / bshad sgrub kyi bstan pa rgyun mi chad pa'i rten 'brel khyad par can gzigs nas/ gling kha bde ba can gyi dgon pa btab ste/ de nyid kyi lo ni gu lam 'bras la sogs pa'i zab chos btsugs/ der bzhugs pa'i dge 'dun thams cad gzhi tshul khrims rnam par dag pa'i steng du/ pha rol tu phyin pa'i blo sbyong gis rgyud sbyangs nas/ gsung ngag la thugs dam mdzad de/ rab tshe dang sgrub pa mnyam pa dang / 'bring thun bzhi'i rnal 'byor/ tha ma thun gnyis kyi rnal 'byor nyams su len pa la bkod