[A:606]sgrub thabs kun du bzang po/ rdzogs rim grol ba'i thig le ste gnyis dang / mar me mdzad bzang po'i dkyil chog bzhi brgya lnga bcu pa la sogs pa 'dus pa'i rgya gzhung rnams dang / kye'i rdo rje'i bka' srol gsum la gtso che'i chos sna sum cu dgur grags pa rnams dang / 'khor lo bde mchog la lo hi pas mdzad pa'i dpal mngon par rtogs pa smad lnga dang bcas pa dang / dril bu skor gsum/ nag po gzhung drug la sogs pa grub chen gyi gzhung dang / rgyud kyi 'grel pa la sogs pa bsam gyis mi khyab pa dang / rje btsun sa skya pa yab sras lnga'i bka' 'bum/ chos rje nyid kyi bka' 'bum la sogs pa bod kyi legs bshad kyi lung rab tu mang po gsan no/ /de dag kyang thos bsam gtso che ba'i dbang du byas pa yin gyis/ yang dag par na gong du smos pa'i khrid de dag zhus pa'i dus nyid nas bsgoms pas nyams myong rgyud la skyes par mdzad cing / bar skabs su ri khrod dben pa rnams su bzhugs nas kyang nyams len la dril ba yin no/ /lnga pa la gnyis te/ spros pa bcad nas nyams len la bzhugs pa'i tshul/ nyams len ji ltar mdzad pa'i tshul gtan la dbab pa'o/ /dang po ni/ rgya chen thos pas zhes sogs tshigs bcad gcig ste/ skyes bu dam pa rnams ni/ thos bsam gyi sgro 'dogs chod pa'i yang dag pa'i lta ba'i don dben pa'i gnas su rtse gcig tu nyams su len pa ni chos nyid do/ /de yang 'di skad thos te/ zhe bdun pa shing pho stag gi lo la e waM chos ldan du phebs pa na/ chos rje'i zhal nas da 'di ru sdod la bshad nyan gyis/ gdan sa'i ming btags 'dod na'ang byed pas chog /ber thul 'dra gon pa dang / mchod cha dang rten gsum sogs 'dod na'ang / bla brang nas long la bed gcod gyis/ bdag chen grags blo ba'i dbon po zhig yod pa 'di rab byung byed pa'i slob dpon yang 'tshol ba yin gsungs pa la/ bdag la 'di lta bu'i spros pa med pa'i rgyu mtshan thugs la mnga' rgyu yin/ zhe la 'dod pa yod