[A:605]gyi bye brag thun mong dang thun mong ma yin pa rnams gsan no/ /bzhi pa rjes gnang gi skor la/ rdo rje rnam 'joms dang / 'phags ma sgrol ma la sogs pa bar chad zhi ba'i lha rnams dang / don zhags lha lnga ma/ bcu gcig zhal la sogs pa byang chub kyi sems rgyas pa'i lha rnams dang / sgrol ma dkar mo dang / gtsug tor rnam rgyal la sogs pa tshe rgyas pa'i lha rnams dang / 'jam dpal gyi rigs rab tu mang po dang / sher phyin dkar mo mi g.yo ba dkar sngon la sogs pa blo gros rgyas pa'i lha rnams dang / dzambha la dang / nor rgyun ma la sogs pa nor rgyas pa'i lha rnams dang / dmar po skor gsum la sogs pa 'gro ba dbang du sdud pa'i lha rnams dang / nag po chen po lcam dral dang / mgon po gdong bzhi pa la sogs pa bstan pa bsrung zhing drag po'i las sgrub pa'i lha rnams kyi rjes gnang rab tu mang po dang / sgrub thabs rgya mtshor grags pa rjes gnang nyis brgya dang sum cu rtsa bgrangs ba dang / sgrub thabs brgya rtsar grags pa rjes gnang dgu bcu go drug bzhugs pa'i rjes gnang gi rigs rab tu mang po gsan no/ /gzhan yang birWa pa'i lugs kyi rdo rje rnam 'joms kyi byin rlabs dang / na ro mkha' spyod la sogs pa mkha' spyod kyi rigs mang po'i byin rlabs dang / bde mchog dkar po'i byin rlabs la sogs pa byin rlabs kyi rigs mang po gsan no/ /lnga pa lung gi skor la/ rgyud 'bum/ gzungs 'dus/ gzungs 'bum rnams dang / de dag gi dgongs 'grel la/ rgyud sde 'og ma gsum gyi rgya gzhung 'ga' zhig dang / gshin rje'i gshed nag po'i skor 'ga' zhig dang / dmar po la birWa pa'i bskyed rdzogs kyi gzhung drug la sogs pa dang / gsang ba 'dus pa 'phags pa yab sras kyis mdzad pa'i gzhung rnams dang / de'i rjes 'brang nag po pa la sogs pa'i gzhung rnams dang / sangs rgyas ye shes zhabs kyis mdzad pa'i