[A:602]bde sa zhig tu bzhag pa rmis gsungs so/ /de nyid kyi lo chos rje rgyal mchog pa khro phur smon lam mdzad pa'i drung du mjal du byon nas/ e waM chos ldan du yang byon pas/ chos rje'i zhal nas sngar bzhin zhal da gnang ba la/ da rung rus pa la sAtstsha 'debs pa sogs kyi bya ba 'ga' zhig dgos pas yar 'gro zhus nas mus su byon nas lo gcig bzhugs so/ /mdor na sa skyar sngar lo gsum/ phyis zla ba bdun/ e waM chos ldan du lan brgyad phebs nas/ dam pa'i chos gsan pa'i rnam grangs rgyas par ni 'dir brjod par mi nus la/ mdor bsdus pa tsam zhig /bstan pa'i go rims dang bstun nas brjod na/ pha rol tu phyin pa'i chos skor la/ dbu ma lugs dang / sems tsam lugs kyi sems bskyed gnyis/ rgyal sras thogs med pas chos rje buddha ba la gnang ba'i blo sbyong don bdun ma'i khrid/ chos rje shar pa nas brgyud pa'i zhen pa bzhi bral rnams zhus nas/ skyes tshogs dad pa'i gzhung / bslab spyod lta ba'i gzhung / sa rgyan spyod pa'i gzhung ste bka' gdams gzhung drug tu grags pa dang / mdo sil bu ba bcu bdun/ mchims nam mkha' grags kyi sa bcad dang bcas pa la sogs rab tu mang po gsan no/ /rdo rje theg pa'i skor la dbang / rgyud/ man ngag /rjes gnang / lung dang lnga las/ dang po dbang gi skor la/ rigs gsum spyi dbang / tshe dpag med lha dgu /gtsug tor gdugs dkar/ gzungs grwa lnga la sogs pa bya rgyud kyi dbang du ma dang / a ra pa tsa na lha lnga/ mi 'khrugs pa lha dgu la sogs pa spyod rgyud kyi dbang dang / rdo rje dbyings dkyil chog lugs/ 'jam dpal gsang ldan/ nam mkha' dri med chung ba/ gtsug dgu/ rtsa skya pa nas brgyud pa'i sbyong rgyud dkyil 'khor bcu gnyis/ sa lugs kyi kun rig ste/ rnal 'byor rgyud kyi dbang dang / gshed dmar lha lnga ma/ lha bcu gsum ma/ dgra nag /'jigs byed zhe dgu ma/ ro langs brgyad