[A:601]rgyal mtshan dpal bzang pos mdzad pa'i tshad ma dang po gsum ston pa pod nag mar grags pa rnams yongs su rdzogs par gsan te/ so so'i phyag len dang skabs kyi go ba rnams la sgro 'dogs chod par mdzad pa yin no/ /gnyis pa nye brgyud la rnal 'byor dbang phyug gis sa chen la gnang ba dang / sa chen gyis rjes btsun la gnang ba gnyis las/ dang po ni lam sbas te bshad pa lam zab bla ma'i rnal 'byor/ /rnal 'byor dbang phyug gi bsrung ba gnyis la sogs pa yin la/ gnyis pa ni brda don gsal ba ste/ de dag kyang khrid byin rlabs dang bcas pa rdzogs par gsan no/ /gzhan yang lam skor la/ ngag dbang grags pa'i phyag rgya chen po yi ge med pa/ tog rtse ba'i bsam mi khyab/ klu sgrub kyi mchod rten drung thob/ nag po pa'i o la pa ti/ yon po bsrang ba/ padma badzra gyi lam/ Dombi pa'i lhan cig skyes grub/ indra bhU ti'i phyag rgya'i lam dang brgyad las/ zhar byung la dag pa gsum gyi khrid/ gtum mo'i dmigs pa nyi shu rtsa dgu/ sgo drug chos 'grel la sogs pa bsam gyis mi khyab pa gsan te/ mdor na lam 'bras lam skor zhar byung g-i chos skor rnams/ /chos rje bzang po'i zhabs kyis/ rje buddha shrI la gsan pa'i gsan yig nang ltar bum pa gang byo'i tshul du bzhugs pa yin no/ /gsung ngag rdzogs nas e waM chos ldan gyi gzhi 'dzugs pa la/ chos rje'i chag phyir zhe gnyis pa sa mo bya'i lo la ngor du phebs/ de'i ston chos rje'i zhal nas/ da 'di ru sdod la bshad nyan gyis gsungs pa la/ pha rgan cig yod pa de la sngar zhabs tog cher ma 'phrod pas shi kha sngas mgo na yod pa tsam zhig dgos pas yar 'gro bar bgyi zhus nas/ mus su phebs te lo bzhi bzhugs/ glang lo la yab rgan gshegs pa'i zhe dgu'i bar du kun rig gi cho ga mdzad pas/ mnal mal du yab rgan gad g.yang zhig la 'char la khad 'dug pa la/ lag pa nas 'then nas