[A:603]skor/ gsang ba 'dus pa rigs gsum la sogs pa rnal 'byor chen po thabs kyi rgyud kyi dbang du ma dang / kye rdo rje birWa pa'i lugs gnyis/ mtsho skyes kyi lugs/ nag po pa'i lugs te bka' babs bzhir grags pa dang / rtsa rgyud kyi bdag med ma/ rigs bsdus/ saM pu Ta/ rdor dbyings/ kye rdor bcu bdun ma/ sgrol ma lus dkyil/ sgrol ma bcu bdun ma/ sangs rgyas thod pa/ ma hA mA ya/ 'khor lo bde mchog lo nag dril gsum/ rdo rje mkha' 'gro/ dril bu lha lnga/ la ba pa'i bcu gsum ma/ mai tri bcu gsum ma/ sdom 'byung ste rnal 'byor chen po shes rab kyi rgyud kyi dbang bskur ba rnams gsan no/ /gnyis pa la bya ba spyi'i rgyud chen bzhi dang / so so'i rgyud rnams kyi don phyogs gcig tu ston pa/ bya rgyud spyi'i rnam par gzhag pa dang / spyod pa'i rgyud thams cad kyi don phyogs gcig tu bsdus pa spyod rgyud spyi'i rnam par gzhag pa dang / paNDi ta dharmA pha la nas brgyud pa'i ngan song sbyong rgyud kyi man ngag gi bshad pa dang / na ro pa nas brgyud pa'i rtog bdun gyi man ngag gi bshad pa dang / gsang 'dus rtsa rgyud 'grel chen sgron me gsal ba dang bcas pa'i bshad pa dang / mar pa nas brgyud pa'i ma hA mA ya'i bshad pa dang / birWa pa nas brgyud pa'i kye rdo rje'i rgyud gsum gyi bshad pa/ bla ma gong ma'i chos sna bcu gsum dang bcas pa dang / na ro pa nas brgyud pa'i bde mchog rtsa ba'i rgyud dang / rnal 'byor ma kun spyod kyi bshad pa rnams gsan te/ thos bsam gyi mthar phyin par mdzad nas/ bka' srol gang gi lugs yin pa dang / bka' srol de'i 'chad tshul ji ltar yin pa dang / bshad tshul des bshad pas lam gyi srol ji ltar thon pa'i tshul rnams la 'khrul pa'i dri ma zad cing sgro 'dogs chod par mdzad pa zhig go /gsum pa man ngag la/ bskyed rim/ rdzogs rim/ thun mong bsgrub pa'i man ngag gsum las/ dang po la/ kye'i rdo rje/ 'khor lo