[A:600]bcu bzhi tsam zhig gis mthar phyin par mdzad nas/ gzhir gnas kyi rten dkyil 'khor bzhi la smin byed kyi dbang bzhi bskur zhing / grol byed kyi lam bzhi bsgoms pas so so'i lta ba bzhi rgyud la skyes shing / grub mtha' bzhi dang / 'bras bu bzhi 'dren pa'i snyan brgyud bzhis gdams par mdzad de/ rgyu dus dang lam dus kyi dbang gi chu bo ma nub/ nyams myong mtshan nyid pa skyes pas byin rlabs kyi brgyud pa ma nyams/ gang yang ting nge 'dzin du bkrol shes pas gdams ngag gi sa rga ma log /de'i stobs kyis bla ma la sangs rgyas dngos kyi 'du shes skyes pas mos gus kyi bsam pa tshim par mdzad pa yin no/ /de'i chos skor la ring brgyud dang nye brgyud gnyis las/ dang po ni/ zhang dgon pa ba nas brgyud pa/ rje btsun gyi glegs bam dkar chag tu thebs pa rnams yin la/ de yang tshad ma bzhi ston pa las/ bstan bcos tshad ma la 'grel pa gnyags ma/ skabs kyi yig chung nyer gnyis/ don bsdus ma'i tshigs bcad de nyer bzhi/ nyams myong tshad ma la gzhung las 'phros pa'i chos bcu bdun/ rtsa ba med pa'i lam 'bring po/ rang gi rtsa ba cung zad dang bcas pa'i lam bsdus pa/ khrid kyi gzhung shing chen po bzhi/ rtogs pa skyed par byed pa'i chos lnga/ lam zab mo'i yig cha/ man ngag phra mo'i rkang grangs gzhan du kha 'phangs pa ste sum cu/ bla ma tshad ma la bla ma rgya bod kyi yi ge gnyis/ lung tshad ma la lung sbyor kha 'phangs dang bcas pa bzhi ste/ drug cu po de dag yongs su rdzogs par gsan no/ /man ngag phra mo'i rkang grangs pod dmar ma'i nang du bzhugs pa rnams dang / phyis gsan pa gzhung bshad sras don ma/ gzhan yang dmar gyis mdzad pa'i bla ma'i rnam thar zhib mo rdo rje dang / gzhung bshad dmar ma/ bar ston gyi zin bris sogs rab tu mang po dang / bla ma dam pa bsod nams