[A:599]gtong phod che bas gdul bya'i rgyud la rten 'brel khyad par can bsgrigs pa'i ched/ sngon gyi bla ma rnams kyi longs spyod mang po 'bul ba zhes mdzad pa yin/ deng sang bstan pa 'gribs nas gsung ngag la sogs pa'i bka' chad la khad du song 'dug pas/ gdul bya snod ldan byung na gsung ngag dang dbang bskur la sogs pa brdal gtod lta bu byas nas kyang / bstan pa'i rgyun la phan du re byed dgos pa'i dus su song 'dug pa zhes gsungs so/ /'di ni da lta gsung ngag rin po che la sogs pa'i bka' srol rnams bzung nas 'gro ba yongs kyi mgon skyabs mdzad pa'i rten 'brel khyad par can gzigs pa yin par nges so/ /de nas rta lo'i dbyar gsung ngag rin po che gsan nas thugs nyams su bzhes te/ ston mus su phebs nas/ lug lo la mus su bzhugs pa'i tshe/ bla ma nam blo bas spyir sangs rgyas kyi bstan pa la phan pa dang / bye brag tu phyogs 'di'i dge 'dun rnams dang / bya nya/ ri dgas rnams kyi mgon skyabs mdzad dgos zhus nas dgon pa yang phul te/ khong rang dpon slob rnams kyis/ kye rdor dang kun rig la sogs pa'i bka' mang du zhus nas/ de dag gi lag len gyi srol yang 'dzug par mdzad do/ /de'i ston chos rje bzang po'i zhabs mnga' ris su dpon po a ma dpal gyis gdan drangs pa'i rjes su/ gsang sngags dbon po gzhon nu bzang po sogs grogs mched bdun/ chos rje'i bka' zhal dang bcas te/ rje 'di nyid gdan 'dren byung bas/ zhe gcig pa spre'u'i lo la sa skyar phebs/ dbyar shAka bzang sku 'bum du bzhugs nas/ khams gtsang gi grwa pa rnams la rang rang gi blo dang 'tshams pa'i chos kyi 'khor lo bskor bar mdzad do/ /de'i ston chos rje mnga' ris nas phebs ma thag tu/ slar yang gsung ngag rin po che zla ba bdun gyi bar du nyams khrid du zhus/ dang por bdun cu tsam gyis zhus kyang / phyis rje 'di nyid sogs