[A:598]las gdams pa rgya mtsho lta bu thos shing / yon tan gyi mdzod du gyur pa ni chos nyid do/ /de'ang 'di skad thos te/ chos rje bzang po'i zhabs kyi drung du mjal ma thag nas brtsams te/ 'brug lo'i ston tshun chad la bde dgyes gsang gsum gyi smin byed kyi dbang / bskyed rdzogs kyi man ngag /rgyud kyi bshad pa dang bcas pa gsan cing / de nas rdo rje phreng ba/ kr-i ya sa mutstsha dang bcas pa la sogs pa'i chos kyi bka' drin dpag tu med pa nos par mdzad do/ /me pho rta'i lo'i nang du/ chos rje bzang po'i zhabs la bar chad kyi mtshan ma gsal ba'i phyir du/ sku mtshams la bzhugs nas/ sku mtshams grol ba'i zhag gcig gi gong du/ rje 'di nyid dang / mnga' ris pa bla ma dkon mchog 'od zer gnyis sku gdun du bos nas/ spyir thugs dam gyi gzigs snang dang / bar chad sel tshul sogs mang du gsungs te/ da lan skyon du song na yang gzhan sems la 'phreng ba cig kyang med/ bya spyod gnyis kyi bstan pa 'di 'dod pa bzhin sos ma thub pa 'di dang / khyed rang gi phan thogs mi thogs gang yin kyang / khyod slob dpon dkon rgyal la lam 'bras tshang ma zhig ma 'phrod pa 'di 'phreng bar 'dug ces gsung ngo / /de la rje 'di nyid thugs bzhed pa cig kyang byung zhing / bla ma thugs dgongs gang la gtad kyang da lam 'bras shig zhus nas dge sbyor gyi mthil de la byed dgos pa 'dug snyam pa 'khrungs so/ /da nas chos rje'i drung nas bdag mus su phyin nas/ 'khor lo bde mchog gi dge sbyor cig byed pa lags zhus/ da dung nged la gsung ngag lam 'bras yod pas de nyon cig gsungs pa la/ lam 'bras zhu ba la 'bul ba mang po dang / bka' spyad mang po dgos pa'i lo rgyus 'dug pas/ bdag la de lta bu'i nus pa med lags zhus pas/ chos rje'i zhal nas/ sngon gyi dus na bstan pa yar so'i dus su song bas/ gdul bya rnams chos la don gnyer dang / chos phyogs su dka' spyad dang / longs spyod