[A:596]pa slob dpon sangs rgyas 'phel ba la phar phyin g.yag TIka chen mo'i lung dang bshad pa gsan/ shar pa slob dpon kun legs pa la gzungs grwa lnga'i dbang dang / mkhyen rab dbang phyug grags pa dpal bzang po la mtshan brjod kyi lung gsan/ bla ma phyi ma drug pa 'di las 'dren pa mchog las gsan pa'i rjes su gsan pa yin na'ang / sa bcad kyi tshoms mi 'khrugs par bya ba'i phyir du 'dir phyogs gcig tu bris so/ /gnyis pa la gnyis te/ gdams pa thob pa'i rgyu/ gdams pa gsan pa'i tshul lo/ /gsang chen rgyud sde'i zhes sogs tshigs bcad gcig ste/ skyes bu dam pa rnams ni dge ba'i bshes gnyen rgya mtsho lta bu bsten kyang / tshong dpon gyi bu nor bzang bzhin du slar yang gdams pa phyin ci ma log par ston pa'i dge ba'i bshes gnyen tshol ba la ngoms pa med par mdzad do/ /de yang 'di skad thos te/ chos rje nam mkha'i rnal 'byor pa de bde mchog lo nag dril gsum la thugs dam gyi gtso bor mdzad cing / bsngags pa yang che ba dang / mkhan chen sangs blo bas de bshad nyan mi mdzad na/ sngags kyi grwa sa cig tu sngags phyogs kyi slob gnyer rgya che rab cig mdzod gsungs pa la brten nas/ rdo rje theg pa'i bka' lung rgya chen po gsan par bzhed de/ sngar nyang stod du chos rje rgyal tshab pa la chag phyir 'gro ba'i snyan zhus phul na yang stabs shig gis ma thon/ de nas chos rje rgyal mchog pa'i chag phyir bo dong du phebs pa'i tshe/ shangs pa kun mkhyen pa'i drung du 'byon par bzhed de/ chos rje la zhus pas de 'thad gsungs nas/ rin spungs pa'i gser yig pa cig la sbrag yar mdzad pa yin na'ang / de'i nang par rang du 'byon ma bzhed par de nyid du bzhugs so/ /de rjes yun mi ring ba zhig nas/ nyag re grags pa skam po zer ba de/ chos rje rgyal mchog pa'i drung du bsnyen rdzogs zhu ru byung ba la/ spyir sa skya'i lo rgyus/ bye brag tu bla ma kun dga'