[A:436]pas mi gos pa yin te/ slob dpon kun legs pa'i gsung gis bla ma 'di btsun chung gi dus nas su/ gzhan dang mi 'dra ba cig bdog ste/ chos rje ye shes rgyal mtshan pa g.yas g.yon du chos bar la 'byon pa'i phyag phyir bdag cag grwa pa rnams 'gro ba'i tshe/ lam bar sogs kyi gnal mal du phyi dro phebs pa'i dus su bdag cag grwa pa rgan pa rnams ni kha skom pa dang / gsus pa ltogs pas bza' btung gi rtsol ba ka byed kyang khong ba btsun chung chung shos yin te/ phyi dro bza' btung gi spros pa mi byed par gnas mal du phebs nas/ khres po phog ma thag pusti re zhal phye nas dpe cha re phar log tshur log byed kyin gzigs pa cig ka bdog ces gsungs pa de lta bus mtshon pa'o/ /yang chos rje ye shes rgyal mtshan pas mkhan po mdzad/ mkhan chen blo gros dpal bas las kyi slob dpon/ chos rje 'phags pa gzhon nu blo gros pas gsang ston slob dpon/ grib tshod pa 'jam dbyangs dpal ldan gzhon nu la sogs pa dad pa'i dge 'dun bdun gyi dbus su bsnyen par rdzogs pa dge slong gi sdom pa rnam par dag pa nos te/ nyes ltung gi dri ma rnam par dag par bzhugs pa yin no/ /byang chub sems dpa'i sdom pa nos pa'i tshul ni/ chos rje ye shes rgyal mtshan pa'i drung du/ dbu ma lugs kyi sems bskyed kyi cho ga lan lnga nos shing / chos rje buddha ba'i drung du dbu ma lugs dang / sems tsam lugs gnyis ka gsan nas so so'i bslab bya rnams rang rang gi lugs ltar legs par bsrungs te/ shin tu rnam par dag par bzhugs so/ /de yang byang chub sems dpa'i sdom pa ni/ byams pa dang snying rje chen po'i rtsa ba can yin pa la/ bdag nyid chen po 'di nyid kyi thugs ni/ sems can thams cad la byams pa dang snying rje chen po'i ngang du gyur pa ste/ tha na gzhan dag sha za ba gzigs pa tsam dang / khyad par rab tu byung bas sha za ba gzigs pa na/ nang du mi bzod pa'i thugs nges 'byung chen po 'byung zhing / zhag du ma'i bar du gsol dngas 'gags par