[A:464]ba'i 'od zer dang / gzi brjid mtha' yas pa dang bcas pa cig gzigs pa rmis so zhes gsungs pa la sogs pas shes so/ /gzhan yang gu ga mnga' bdag lha btsun pa dang / mnga' ris rdzong kha'i mnga' bdag la sogs pa rgyal po rnams dang / yar lung gong ma chen po yab sras la sogs pa sde dpon chen po dang / mi dpon chen po rab tu mang po rnams la yang skal ba dang 'tsham pa'i chos kyi sbyin pa rgya chen pos tshim par mdzad pa yin no/ /de dag gi skabs su longs spyod kyi dngos po ji snyed phyag tu byung ba kun kyang bla ma gong ma rnams kyi thugs dgongs rdzogs pa dang / sangs rgyas kyi bstan pa gnas pa'i thabs 'ba' zhig gi phyogs su gtong bar mdzad de/ de yang chos rje ye shes rgyal mtshan pa'i thugs dgongs rdzogs pa'i thabs su ston pa'i gser sku chen mo ngo mtshar ba gando la dang bcas pa dang / grub chen buddha pa'i thugs dgongs rdzogs pa'i thabs su gsung ngag gi bla ma brgyud pa yongs su rdzogs pa'i bris sku chen mo bcu gcig dang / gzhan yang rdo rje 'chang gi gser sku khyad par du 'phags pa dang / bdag med ma nas grub chen buddha pa'i bar du lha sku khyad par du 'phags pa che ba rnams dang / rdo rje 'chang nas grub chen buddha pa'i bar du brgyud pa yongs su rdzogs pa'i lder sku chung ba rnams dang / bla ma rnams bzhugs pa'i gtsang khang gi logs bris la kyai rdo rje dang / 'khor lo bde mchog dang / gsang ba 'dus pa rnams kyi bla ma brgyud pa dang / sangs rgyas dang byang chub sems dpa' dpag tu med pa bzhengs/ chos rje 'phags pa gzhon nu blo gros pa'i thugs dgongs rdzogs pa'i thabs su bal po'i lha bzo ba mkhas pa rnams kyis bris sku rdo rje phreng ba'i dkyil 'khor yongs su rdzogs pa kr-i ya sa mutstsha nas bshad pa'i dge legs su byed pa'i dkyil 'khor gsum dang / gzhan yang zur bka'i dkyil 'khor gyi rigs mtha' yas pa rnams dang /