[A:463]de bzhin du dris lan sna tshogs kyi sgo nas log rtogs ldog par byed pa'i bstan bcos du ma mdzad do/ /gzhan yang legs par bshad pa rtsom pa'i skor yang / bla ma yi dam chos skyong rnams kyi bstod pa'i skor dang / bya ba'i rgyud rang rkang gi chos skad dang / 'grel tshul sna tshogs kyi dgongs pa gsal bar ston pa bya ba'i rgyud spyir rnam par gzhag pa legs par bshad pa'i rgya mtsho zhes bya ba dang / de bzhin du spyod rgyud spyi'i rnam gzhag legs par bshad pa'i sgron ma dang / kye rdo rje'i sgrub thabs mtha' dag gi dgongs pa gsal bar ston pa bskyed rim gnad kyi zla zer yan lag dang bcas pa la sogs pa rgyud gzhung gi dgongs 'grel bstan bcos du ma dang / bde mchog mkha' 'gro rgya mtsho/ gsang 'dus mi bskyod pa/ sampu Ti/ rdor dbyings/ gshed dmar lha lnga la sogs pa'i smin byed dang / grol lam bskyed rim yan lag dang bcas pa'i lag lan gsal bar ston pa'i skor rnams dang / gzhan yang sgrub thabs kyi rigs rab tu mang po rnams dang / gsung ngag rin po che'i bshad thabs kyi man ngag gsang ba'i sgo 'byed dang / bde mchog dkar po'i rdzogs rim dang / gsang 'dus rim lnga/ 'jigs byed kyi rwa khrid/ spros med mdzes rgyan la sogs pa rdzogs rim gyi skor dang / gzhan yang gdams pa sna tshogs kyi sgo nas nyams len gsal bar ston pa'i skor dang / bsngo ba dang / smon lam dang / bkra shis la sogs pa'i gsung rab mtha' yas pa mdzad pa'i rnam grangs ni brjod par mi nus pas ma bris so/ /de ltar dus dang gnas skabs thams cad du g.yel ba med par bstan pa'i bya ba byas pas bstan pa spyi dang bye brag sa skya pa'i bstan pa shin tu gsal bar byas pa yin te/ yang nub gcig mnal lam du/ 'du khang chen po mdzad par dgongs pa'i gyong ra de na bla ma sa chen yab sras gsum gyi sku sngar gyi lta bu dang / chos rje sa paN gyi sku yang de tsho dang 'dra