[A:460]nyams len gyi rim pa rnams so so rang gi lugs bzhin gzhan dang ma 'dres par bshad pa na/ rgyud sde re re'i 'grel tshul yang phan tshun mi 'dra ba ches che ba snang mod/ thams cad kyang gsang sngags rgyud sde dang mthun pa'i bshad pa 'ba' zhig tu 'gro ba'i 'chad tshul 'di ni rgyud gzhung dang / sngon gyi rgyud sde tshul bzhin du smra ba'i gong ma rnams kyi dgongs pa phyogs gcig par 'dug na'ang / deng sang chos rje rin po che kho na'i 'chad srol thun mong ma yin par snang ngo / /de lta bu'i 'chad tshul gyis rtsa ba'i rgyud brtag pa gnyis pa/ bshad pa'i rgyud rdo rje gur/ sampu Ta ste rgyud gsum dang / dpal dus kyi 'khor lo'i rgyud 'grel/ 'khor lo bde mchog rtsa ba'i rgyud rnal 'byor ma kun spyod la sogs pa bshad pa'i rgyud dang / ma hA mA ya'i rgyud/ gsang ba 'dus pa'i rgyud/ rgyud phyi ma la sogs pa'i bshad pa'i rgyud dang / rdo rje 'jigs byed kyi rgyud rtog bdun dang / ngan song thams cad yongs su sbyong ba'i rgyud la sogs pa rgyud sde mtha' yas pa dang / de dag dang 'brel ba'i 'grel pa dang / gzhung gi tshogs rab tu mang po'i bshad pa dang / gzhan yang gsung ngag rin po che lam 'bras lam skor dang bcas pa yongs su rdzogs pa de snga yan la tshar brgyad cu tsam/ zab lam rdo rje'i rnal 'byor sbyor ba yan lag drug ba'i skor cha lag dang bcas pa yongs su rdzogs pa dang / rim bzhi dang / rim lnga dang / rtsa dbu ma bde mchog dkar po/ bde mchog snyan brgyud la sogs pa 'khor lo bde mchog gi rdzogs rim gyi skor dang / gshin rje gshed dmar po lha lnga'i rdzogs rim shin tu spros med dang / 'jigs byed rwa khrid la sogs pa rdzogs rim gyi skor bsam gyis mi khyab pa lan grangs rab tu mang po dang / sgrub thabs brgya rtsa dang rgya mtsho la sogs pa'i rjes gnang gi skor mang po dang / rgyud 'bum dang sa skya bka' 'bum la sogs lung gi tshogs grangs med pa la sogs te/ mdor na dbang dang byin rlabs rgyud dang man ngag