[A:459]zhig skor du btang pas sa cha de zhal ta ji ltar gnang ba ltar 'dug cing de'i tshe dgun yin kyang me tog so ma cig skyes pa yang gzigs te rten 'brel legs po byung zhes gsungs so/ /de nas sa mo bya lo'i dbyar chos la e waM chos ldan gyi ri khrod du phebs/ der dben gnas mdzad de dgon pa'i khongs su sha chang dang nag mo 'grim sa med pa dang / der bzhugs kyi dge 'dun thams cad dang tshugs la gnas pa dang sa gzhan du 'khon rtsod la sogs pa cig yod kyang / e waM chos ldan du 'khon rtsod la sogs pa bya sa med pa'i bca' khrims legs po mdzad nas/ 'dul ba'i bslab bya dang / byang ba dang / bslab pa kun las btus la sogs pa'i sgo nas sdom pa 'og ma gnyis kyi bslab bya nyams len dang bcas pa yang skabs su gsung zhing dbyar chos de la gsung ngag cig gsungs so/ /de'i tshe nyin cig rang po'i spyi khang 'og ma de la gzigs nas/ zhing steng pha ta na sa skya'i gur mgon lcam dral gyi 'chams sku de gnyis bzhugs 'dug pa yin te/ khang pa pha ta na 'ong ba la blta ba yin pa 'dug ces gsung ba ni/ sngar ri khrod thugs dam du shar ba'i tshe gzigs par snang ngo / /dbyar chos de nas bzung gtso bor gsang sngags rdo rje theg pa rgyud sde bzhi'i chos kyi 'khor lo bskor ba las dben gnas 'dir phebs nas rdo rje theg pa don du gnyer ba'i dge ba'i bshes gnyen phyogs mtha' dag nas dus dang gnas skabs nges pa med par byon pas dbang dang byin rlabs/ rgyud man ngag la sogs pa rnams kyang dus dang go rims nges pa med par don gnyer ba'i shes 'dod kyi stabs ka dang bstun nas rgyun mi chad par gsungs shing / de la spyir rgyud sde bzhi la chos skad rang rkang tshugs pa re yod pa dang / 'grel byed tshad ma rgya gar ba'i paN grub rnams kyis 'grel lugs sna tshogs mdzad pa rnams la rang rang gi grub mtha' gzhung tshugs pa'i bshad pa dang / de dang rjes su 'brel ba'i lag len dang / de'i man ngag