[A:458]pa yin te/ 'di da dung yang 'dod pa bzhin sos pa cig bzhag sa med pa 'di sems kyi gtser pa cung che bar 'dug ces gsung pa 'di ni/ bstan pa'i khur la thugs kyi 'jug tshul dang thugs stobs gzhan las phul du phyin pa yin no/ da sku chag legs par sangs lags sam zhes zhus pas/ da zla ba drug pa'i tshes grangs nges pa can cig gsungs nas de'i dus su de la dmigs pa'i dge sbyor cung zad cig byas pas/ de nas chag sgo legs par sangs yod ces gsungs so/ /de ltar de yan chad gdan sa phyogs su gzhan don phrin las bsam gyis mi khyab pa mdzad do/ /'on kyang gdan sa chen po g.yeng ba dang / changs che bas grwa pa rnams kyi slob gnyer la gnod pa dang / chas kha la gzan cing grwa pa gnyen po chung ba 'ga' re chud zos par yang 'gro bar 'dug pas/ dben gnas shig tu bzhugs te/ bshad nyan mdzad na bstan pa dang grwa pa la phan stobs che bar dgongs nas/ sngar chos rje dpal ldan tshul khrims pa'i gsung gis/ 'u cag brag phug pa'i dge bshes cig byed pa yin no zhes gsungs pa la brten nas na bza' brag phug dang / gzhan yang bsam gling la sogs dben gnas du mar thugs 'dun mdzad kyang de rnams gang du yang brtag pa ma byung bar/ thugs 'dun ma mdzad pa'i e waM chos ldan gyi ri khrod de rang gsal por byung yang / gnas 'di na yod gsal ba rang ma byung ba la/ nub cig mnal lam du khyod kyi dgon pa don grub kyis ston pa yod zer ba cig byung ba/ phyis nyag re dge bshes don grub zer ba cig yod pa khong gis chu mig tu bsdad nas ngor na yar me shing bsgrub pa la phyin pas/ e waM chos ldan gyi sa cha de mthong / khong sa skyar slebs nas rje'i sku mdun du byung ba dang / khong gis me shing la phyin pa la sogs pa'i lo rgyus byung bas/ sngar thugs dam du byung ba'i sa cha de yin par mkhyen nas/ mkhan chen shAka bzang ba dpon slob 'ga'