[A:457]'dra byas par 'dug /'di'i cho 'phrul na ning 'ong rgyur 'dug na'ang / na ning rang re dpon slob rnams kyis chos smar po byung bas ma tshugs par gda'/ khar sing nas kyi rmi lam tshab tshub de pa'ang / rang re la dkar phyogs 'dra'i cho 'phrul 'dra yin tshod du 'dug mtshams byed pa zla phyed kyi 'phyis na skyon du 'gro bar gda'/ de la skyon du song na'ang gzhan sems kyi 'khri ba ci yang mi 'dug /da lta bod na sde snod kyi bshad nyan dar po yod pas phar phyin theg pa'i bstan pa legs po yod/ gsang sngags bla med kyang sa skya la sogs pa'i dgon pa so so na dga' mo yod/ yo ga 'di bar skabs su cung 'gribs na'ang / phyis thams cad mkhyen pa bu ston rin po ches thugs rtsol chen po mdzad nas gsos pa'i rgyun da dung yang ma nyams par yod/ bya spyod gnyis po 'di ding sang bka' ma chad tsam las mi 'dug pas/ 'di gnyis sos pa cig byung na bod du bstan pa yongs su rdzogs pa legs po cig 'ong ba 'dug snyam ste/ de la chos rje ri bo dge ldan pa chen po/ dang tshugs dang gsang sngags kyi nyams len phyogs gcig tu mdzad pa dang / bya spyod kyi spyod lam dang / dang tshugs mthun shas che zhing khong pa gang zag stobs can yin pas khong pas thugs rtsol mdzad na sos pa cig i 'ong snyam nas/ de kho na la rkang btsugs te ri bo dge ldan du phyin nas bla ma'i drung du rgyu mtshan zhus pas/ bla ma'i gsung nas khyed kyi bstan pa'i khur ngo mtshar che ste/ rang re gang la yin kyang slob gnyer ni byed dgos par snang / slob gnyer byed pa mnyam po la bla med la byed pa 'di khe che bar snang bas/ bla med la byed pa yin gsungs nas rang re'i bzhed pa de ma byung / de nas rang res rtsol ba bskyed nas bya spyod kyi rgyud 'grel pa rgya gzhung bod kyi dge ba'i bshes gnyen chen po rnams kyi mdzad pa'i yig cha rnams la lo bdun tsam gyi bar du slob gnyer byas/ bya spyod gnyis kyi rgyud sde spyi'i rnam gzhag 'di rnams kyang brtsams byas