[A:456]dgos zer pa la/ bgres pa 'ga' zhig gis de bzhin zhus pas/ mo la nges pa med na'ang / spong dag dang mtshams byas pas chog gsungs nas/ phyag rdzas mang po bla brang shar du sa skya pa'i dge 'dun rnams la 'gyed mdzad/ chos rje'i zhal snga nas sku 'bum du sku mtshams dam po mdzad nas thugs dam gyi rim pa snga skad 'khor lo bde mchog gi tshe sgrub dang / phyi ma red uShNI Sha'i srung 'khor mdzad nas/ zhag po 'ga' zhig song ba'i tho rangs shig /gzugs mngon rgyu med pa'i bar snang du rnam rgyal gyi gzungs dag po tshar gcig sgra lhang pa gsal por grag byung bas/ rnam rgyal gyi sgrub pa gyis shig pa'i brdar dgongs nas/ de phyin chad snga skad rnam rgyal la thugs dam mdzad/ srung 'khor gur mgon gyi srung 'khor gyis shig pa'i mtshan ma byung nas phyi ma red gur dgon gyi srung 'khor mdzad nas/ rnam rgyal gyi bstod pa nyi ma re la shlo ka re dang / gur mgon lcam dral dang / gdong bzhi pa la bstod pa re mdzad pas/ pu tra na re nga la yang bstod pa byed dgos zer byung nas pu tra'i bstod pa yang mdzad do/ /de ltar cho 'phrul chen po nas dbo'i zla ba'i yar tshes bco lnga yan la bstod pa rnams rdzogs pa dang / mnal lam du sa bzang na bzhugs 'dug pa'i rnam pa zhig la/ mdo sde mdzangs blun cig phyag tu byung ba yar mar gang nas bgrangs kyang shog bu sum cu rtsa dgu re byung ste/ da dung 'ang sku tshe de tsam gyi bar du bzhugs zer ba byung zhing / rnam rgyal gyi bstod pa la yang shlo ka sum cu rtsa dgu byung ba yin no/ /de'i tshe smyug ma'i phon po cig kyang phyag tu phul byung ste sku tshe la phan mi phan gyi bshad pa ci yang ma byung zhes gsung ngo / /zhag po gnyis nas byings po la mjal sa 'ong pa'i do nub dgongs mo de mnga' ris pa bla ma dkon mchog 'od zer dang / bdag gnyis la sku mdun du shog gsungs pa byung nas phyin pas/ chos rje'i zhal snga nas/ rang res grub mtha'i dgag sgrub re tsam ma gtogs su la yang gnod par 'gyur ba ma byas kyang 'ga' zhig gis phyag drug pa la brten pa'i byad kha