[A:451]rnams Arya de bas mdzad pa la sogs pa/ sangs rgyas thod pa'i dka' 'grel ye shes ldan/ lha nyi shu rtsa lnga'i sgrub thabs/ dkyil chog gtor chog rnams sa ra ha pas mdzad pa/ mi 'jigs pa'i gzhung 'grel/ ma hA mA ya'i sgrub dkyil ku ku ri pas mdzad pa/ rdzogs rim de kho na nyid gsal ba/ dus 'khor gyi dbang / rdor dbyings 'grel pa lugs kyi dbang / khams gsum rnam rgyal/ rtse mo rigs bsdus/ dpal mchog rigs bsdus/ dpal mchog rdor sems/ kun rig rtsa ba'i dkyil 'khor/ phyag rdor 'chi 'joms/ mi 'khrugs pa/ 'jam dpal yon tan kun 'byung rnams kyi dbang gsan no/ /gsan pa'i rnam grangs 'di rnams kyang rags pa tsam mdor bsdus nas bris pa yin la/ rgyas par zhig tu gsan yig tu shes par bya zhing / der mi bzhugs pa'i gsan pa'i rnam grangs kyang mtha' yas par shes par bya'o/ /de ltar gsan pa rnams la gzigs rtog dang thugs bsam dang nyams len mthar phyin par mdzad cing / gzhan yang dngos su ma gsan pa'i gsung rab dgongs 'grel dang bcas pa thams cad la yang gzigs rtog mthar phyin par mdzad nas sgro 'dogs legs par chod de/ bka' 'gyur dang / bstan 'gyur gyi glegs bam rnams kyi nang na brdzus ma mang po yod pa rnams tshig re yang ma 'dres par rgyu mtshan dang bcas pa gsal bar rtogs nas thugs su chud par mdzad pa yin no/ /gzhan yang bod kyi dge ba'i bshes gnyen bstan pa la bya ba byas pa phal che ba'i gsung rab rnams kyang gzigs nas de dag gi dgongs pa yang lhag ma ma lus par thugs la mnga' ba yin no/ /mdor na rgya gar dang bod du mdo sde dang rgyud sde'i bstan pa gang du byung zhing dar ba dang / gang la 'phel ba dang / gang nas brgyud pa dang / lam srol ji ltar bkral ba dang / de dag gi srol 'dzin ji ltar byung ba la sogs pa thams cad lo rgyus dang bcas pa thugs su chud nas/ 'grel