[A:450]pa kun las btus rnams sa bzangs pa'i TI ka'i steng nas gsan/ yang byang chub gzhung lam/ ma ti paN chen gyi bka' 'bum la sogs pa gsan no/ /yang de lta bu'i skabs shig tu/ sngar gyi lta bu'i khams 'dus cig byung ba la/ chos rje 'phags pa'i drung du/ rdo rje phreng ba la sogs pa'i dbang gzhan mang po gsan kyang ma phan pa/ gsang 'dus 'jam rdor sa lugs kyi dbang gsan pas khams 'dus de las grol te/ ting nge 'dzin khyad par can du ma 'khrungs so/ /de nas stag gi lo la/ chos rje 'phags pa'i gsung gis nged kyang yun ring po e sdod mi shes pas/ khyed rang yang chos kyi 'phro rnams zhu ba la brtson 'grus bskyed pa dang / sa bzang dgon bzung la bka' lung rnams kyis gzhan la phan pa rgyun mi 'chad par gyis shig ces sogs zhal ta mang po gsungs shing / kr-i ya sa mutstsha'i glegs bam dang / dam tshig rdo rje dril bu zhig dang / chos dung rnams gnang nas rgyal tshab tu mnga' gsol bstan pa'i khur phog pas thugs kyi dgongs pa mthar phyin pa grub par gyur pa yin no/ /gzhan yang thams cad mkhyen pa g.yag ston chos rje'i drung du/ rnam 'grel/ rigs gter/ rgyud bla ma la sogs pa du ma gsan no/ /gzhan yang bla ma dam pa bkra shis rin chen pa'i drung du/ gsang 'dus/ spyan ras gzigs lha bcu dgu'i ma'i dbang / sgrub thabs rgyas pa dang bsdus pa jo bo rjes mdzad pa/ phyag na rdo rje 'khor lo chen po'i dbang / bde mchog sbyangs pa'i yon tan gyi dbang / la ba pas mdzad pa'i dkyil chog /mai tri pa'i bde mchog bcuu gsum ma'i dbang / sgrub thabs mai tri pas mdzad pa/ rtag pa'i rdo rje'i chos gsum la sogs pa gsan/ bde mchog sdom 'byung gi 'grel pa ratna rakShi tas mdzad pa/ rdo rje gdan bzhi'i 'grel pa bha wa pas mdzad pa/ rnal 'byor nam mkha'i sgrub thabs/ ye shes mkha' 'gro'i sgrub thabs/ dkyil chog snying po mdor bsags/ shing gcig gi dka' 'grel