[A:444]gyi bar du res sgo rum du byon nas gzigs/ res gzhan du dpe cha gdan drangs nas gzigs te/ gzigs rtog mthar phyin par mdzad pas spyi dang bye brag gi gsung rab kyi don la thugs skyed mtha' yas pa byung zhes gsungs so/ /gzhan yang chos rje dpal ldan tshul khrims pa'i drung du/ kyai rdo rje man ngag lugs kyi dbang gsan te/ dpal ldan sa skya pa'i bstan pa la 'jug pa'i sgo dang po 'di yin gsungs/ kye rdor lus dkyil gyi dbang / kye rdor nas gling ma'i dbang / slob dpon bha wa bha dras mdzad pa'i kye rdor 'grel pa/ sgrub thabs mtsho skyes/ mi thub zla bas mdzad pa'i kye rdor gyi rgya gzhung tshang ma/ rin chen 'bar ba/ skabs kyi 'grel chung brgyad/ bde mchog dril bu pa'i dbang / bde mchog rtsa rgyud dang / rnal 'byor ma kun spyod/ phag mo zhal gnyis ma'i byin rlabs/ las bcu'i sgrub thabs/ sngags kyi de kho na nyid dang bcas pa'i gzhung / de gsum gyi don 'grel rje btsun chen pos mdzad pa/ na ro mkha' spyod kyi byin rlabs/ na ro pas mdzad pa'i sgrub thabs/ bla ma gong mas mdzad pa'i skor tshang ma/ rtsa dbu ma'i khrid/ 'phags pa rin po ches mdzad pa'i na ro mkha' spyod kyi skor/ mai tri mkha' spyod kyi byin rlabs/ nyan chen pas mdzad pa'i sgrub thabs/ byin rlabs kyi cho ga rgyal ba sdes mdzad pa/ dkar mo nyi zla'i rjes gnang / bdud rgyal thod phreng can gyi rjes gnang / sbyong dkyil bcu gnyis kyi dbang / gtsug tor gdugs dkar gyi dbang / dga' ldan pa bkra shis dpal gyis mdzad pa'i dkyil chog /chos rje bla ma dam pa bsod nams rgyal mtshan pas mdzad pa'i bla ma'i rnal 'byor zhal shes dang bcas pa/ yig brgya'i bzlas lung / de'i man ngag rje sa chen gyis mdzad pa/ uShNI Sha'i bzlas lung rnams gsan/ skabs shig na chos rje ye shes rgyal mtshan pa gegs sel 'dra dang bcas pa'i lam 'bras kyi cha lag 'ga' zhig zhu ba'i tshe/ sku mdun na dge bshes 'ga' re bzhugs 'dug pa rnams la/ nged 'dir lam 'bras kyi