[A:443]gong ma rnams kyi grub mtha' dang / gsung rab kyi rnam grangs rnams shin tu phra mo tshun chad kyang thugs la 'jen par bzhugs pa yin no/ /yang skabs shig tu chos ldan seng ge bya ba/ rab byung gi cha lugs la/ spyod pa khrobs se byas pa cig yod pa'i gos kyi mtha' sku lus la phog pa'i rkyen byas nas/ thugs rnal du mi phebs pa sdug bsngal chen po dang bcas pa'i khams 'dus drag po cig byung ba la/ chos rje ye shes rgyal mtshan pa yang dgon na bzhugs pa'i drung du/ rje btsun ma sgrol ma lha bcu bdun ma'i dbang cig zhus pas/ khams 'dus de las grol nas/ spyir gsung rab dgongs 'grel dang bcas pa mtha' dag la thos bsam mthar phyin par byas te/ bstan pa dang sems can gyi don rgya chen po bya dgongs pa'i thugs kyi go cha chen po dang / thos bsam la sogs pa byed pa la dka' tshegs ci yang med snyam pa'i thugs la gdengs chen po yang 'khrungs te/ bla brang shar na bzhugs pa'i phyag dpe rnams la gzigs rtog rdzogs par mdzad/ sgo rum gyi phyag dpe rnams la gzigs rtog mdzad par dgongs pa'i tshe/ gzhi thog tu bdag chen kun rin pa'i drung du byon pas/ de na dpe cha zang zing phad bu gang 'dug pa la gzigs pas/ de'i nang na dpe cha mgo tshems shig 'dug pa/ sgo rum gyi phyag dpe'i dkar chag tu 'dug pas thugs dges te/ bdag chen drung du/ bdag sgo rum gyi phyag dpe rnams la lta rtog tshar gcig byed 'dod lags pa/ sgo rum gyi dkon gnyer dang 'dris zab po med pas/ bdag chen gyi drung nas dkon gnyer la khong phyag dpe rnams la lta rtog tshar gcig byed 'dod par 'dug pas/ sgo rum du blta na blta sa yod pa/ gzhan du blta na dpe cha g.yar po gyis gsungs pa'i zhal ta cig thugs rjes 'dzin par zhu zhes zhus pas/ de bzhin byas pas chog gis gsungs nas/ bdag chen gyi drung du dkon gnyer bos te/ de bzhin gyi zhal ta gnang bas/ khong gis kyang ji ltar dgongs pa ltar gyi g.yar po byung ste/ lo gsum