[A:420]dang / dbang mdor bstan/ dpal nA ro pa'i 'grel pa'i bshad pa dang bcas pa dang / grub chen sron lung pa'i man ngag rab tu mang po dang / yang bla ma rin chen dbang phyug las nos pa'i sbyor drug dbang rgyal lugs su grags pa'i gdams ngag /zhal shes dang / lag len rab tu mang po dang bcas pa dang / bu ston chos rje las nos pa'i sbyor drug gi khrid yig ngo sprod rnams te mdor na bla ma 'di nyid la mnga' ba'i sbyor ba yan lag drug pa'i gdams ngag bod la bzhugs pa phal che ba rnams gsan cing bsgoms pas mtshan mo'i rnal 'byor gyi skabs su phyi rol gyi khang pa la sogs pa'i dngos po 'ga' zhig mun khang gi nang nas gsal por mthong ba la sogs pa gsal snang gi yon tan gyi khyad par 'ga' zhig skyes gsungs so/ /gzhan yang 'khor lo bde mchog lus kyi dkyil 'khor du dbang bskur ba/ sgrol ma/ kun rig /tshe dpag med/ gzungs gra lnga rnams kyi dbang bskur ba zhus/ rje btsun nA ro ta pa'i thugs dam mkha' spyod ma'i byin rlabs zhus nas de dag gi bskyed rim gyi gdams ngag yan lag dang bcas pa dang / rdzogs pa'i rim pa rtsa dbu ma'i man ngag rnams gsan nas thugs nyams su bzhes so/ /gzhan yang dpal rdo rje nag po chen po lcam dral dang / thun mong ma yin pa lha brgyad dang / las mkhan pu Ta rnams kyi rjes gnang bka' bsgo dang bcas pa dang / mgon po gdong bzhi pa'i rjes su gnang ba rnams zhus shing / man ngag rnams rdzogs par mdzad do/ /yang gtsug tor rnam rgyal/ sa lugs kyi don zhags gtso rkyang gi rjes gnang chos skor dang bcas pa dang / rtsa rgyud brtag pa gnyis pa/ bshad rgyud rdo rje gur/ dpal sampu Ta rnams kyi lung tsam zhig gsan no/ /yang bla ma yang dgon pa'i ri chos cha lag 'ga' zhig dang bcas pa dang / bla ma shangs pa'i ni gu chos drug yan lag dang bcas pa rnams kyang gsan cing thugs su chud par mdzad do/ /de ltar dge ba'i bshes gnyen dam pa rnams bsten pas