[A:419]gnang ba ni/ bla ma dam pa 'di nyid dang / bla ma dam pa mkhas pa'i dbang phyug ye shes rgyal mtshan dpal bzang po dang / mi nyag gi ston pa rin chen rdo rje dang gsum kho na yin gsungs/ mdor na gnas de nyid du gsung ngag gi chos skor rdzogs par mdzad nas/ sgrub lung sbyin pa'i tshe/ khyod la tshe ring po dang rtogs pa bzang po 'ong bas nyams len la 'bad pa thon/ phyi dus slob ma 'ga' zhig la'ang phan pa 'byung gsungs/ yang gsang ba 'dus pa mi bskyod rdo rje sa lugs kyi dkyil 'khor du dbang bskur ba zhus nas bskyed rim mdor byas kyi lung bshad tsam cig dang / rdzogs rim rim pa lnga'i gdams ngag bla ma nyid kyis 'gro mgon chos rje dang / thams cad mkhyen pa bu ston las nos pa'i dmar khrid kyi gdams pa ngo sprod dang bcas pa gser sdings pa las brgyud pa'i nag khrid du grags pa'i man ngag rab tu mang po rnams dang / rgya pho lung pa'i man ngag /bla ma mar pa'i rim lnga bsdus gsal pho ba lung pa'i 'grel pa dang bcas pa dang / rngog lugs kyi mchog dbang gong ma gsum gyi cho ga dang / bla ma bo dong pa nam mkha' dpal las nos pa'i rdo rje gdan gyi nag po pa dang / btsun mo can/ mngon shes can gsum gyi gdams ngag /'gos kyi shog dril gsum mar grags pa dang / bla ma tshul khrims rgyal mtshan las nos pa'i gsang 'dus lus dkyil gyi dbang bskur du grags pa rnams gsan cing bsgoms pas/ rmi lam sbyang ba dang / spel bsgyur mang po nus pa dang / 'od gsal dang / zung 'jug gi rtogs pa khyad par can rgyud la 'khrungs so/ yang dpal dus kyi 'khor lo'i nges don gyi dkyil 'khor du mchog dbang gong ma bzhi zhus nas zab mo'i lam rdo rje rnal 'byor sbyor ba yan lag drug pa'i nyams len gyi khrid bla ma nyid kyis 'gro mgon chos rje las nos pa'i brgyud pa so so'i gdams ngag rab tu mang po dang / rgya gar gyi sbyor drug gi gzhung du ma