[A:416]slob gnyer la mi gnod pa tsam cig 'ong lags kyi gsungs nas/ gcod nam mkha' sgo 'byed cig bstan/ de ka rgyun du ma chags par mdzad do/ /da slob gnyer la gnod pas 'dir ma bzhugs par byon/ spyir slob dpon nyid thugs dam cig mdzad na legs par gda' gsungs/ dmigs pa de rnams mdzad pas sngar bas cung drag par gyur nas slob gnyer la 'bad pa chen po mdzad de/ sku lus sdug bsngal ba'i ngang nas rnam 'grel gyi slob gnyer mthar phyin te/ dpal ldan sa skyar gra skor mdzad nas nyi thog gi las pa dang chud kha'i 'chad nyan rnams mdzad do/ de nas byi ba'i lo la bla ma chos sgron can du byon nas phyag rgya chen po lhan cig skyes sbyor cig zhus/ thog med pa'i rtsig skyor cig tu bsgom pas nyams myong bzang po skyes/ sbyor drug gi rtags snang phal cher de dus shar 'dug zer/ 'jig rten snang ba la zhen log dang nyams len kho na bya dgos snyam pa'i blo drag po 'khrungs/ mkhar steng du tshe dang sgrub pa mnyam par bya snyam yang ma gcig na re/ da len sa skyar byon mdzod/ der 'jam dbyangs kyi sprul pa cig la man ngag chen po bzhis myong ba rgyud la skye ba'i rten 'brel 'grig /man ngag de rnams dngos su ston mkhan gyi bla ma cig dang las bzang po'i 'brel pa tshud par gda' bas ci nas kyang byon gsungs nas sa skyar byon pas/ rgyal ba'i rgyal tshab chos kyi rje dpal ldan bla ma dam pa nyid bo dong gi chos 'khor tshar nas sa skyar phebs pa dang 'dzom/ mjal tu phyin pas 'gro mgon chos rje zhal lu khang gsar nas shing khang bla brang du chos gsung du 'byon gyin 'dug pa la byin rlabs zhus pas/ dpon chen dbang phyug dpal zhal ta cig zhu ba dang thug nas khong gi zhal ta de zhu ba ma tshar bar la sgrol ma tshar gcig 'don rin tsam cig byung ba de bar rje nyid kyi phyag gis bla ma'i dbu skra nas bzung nas bzhugs pas dga' spro khyad par can skyes/ phyi nang gi rten 'brel gyi gnad cig de nas 'grig /chos rje nyid 'jam dbyangs dngos yin par thag chod snyam pa'i dad pa shugs