[A:415]mdzad do/ /de dag gi bar la chos rje kun mkhyen chen po las ma Ni'i lung dang / chos rje sa bzang paNDi ta las dus kyi 'khor lo'i dbang / yum rgyas pa'i lung la sogs pa dang / 'jig rten dbang phyug gi sprul pa'i sku rgyal sras thogs med pa las de nyid kyis mdzad pa'i blo sbyong don bdun ma/ rten 'brel sny-ing po/ skyid sdug lam khyer rnams kyi khrid/ sems bskyed lugs gnyis ka'i cho ga /smyung gnas kyi cho ga rnams zhus/ lo tsA ba chen po byang chub rtse mo las gsang 'dus rim lnga'i dmar khrid de nyid kyis mdzad pa dang / rgyal sras rin po che'i bka' 'bum 'thor bu ba/ bsnyung gzhi la phan pa'i phyir du rdo za ba'i man ngag rnams zhus shing nad zhi bar byin gyis brlab pa mdzad do/ /dus kyi 'khor lo ba chen po phyogs las rnam rgyal las dus kyi 'khor lo'i rgyud 'grel gyi bshad pa nod/ rdo rje 'chang chen po'i sprul pa'i sku rgyal ba brag phug pa chen po'i slob ma chos rje dkon mchog rgyal mtshan pa las sa lugs kyi rdo rje 'jigs byed/ gshed dmar lha bcu gsum ma/ sgrol ma bcu bdun ma/ 'khor lo bde mchog lus kyi dkyil 'khor rnams su dbang bskur ba zhus shing / mos gus dang byin rlabs tshad med pa thugs rgyud la 'khrungs so/ /gzhan yang skyes bu dam pa mang po las dam pa'i chos mang du gsan cing / gtso cher rnam 'grel gyi slob gnyer brtson pa drag po mdzad do/ /sngon yab mkhan por song bas de la sras byung ba zhabs 'dren che bsam nas/ yum gyis rje nyid mngal du zhugs pa'i tshe/ sbyong sman mang du btang ba'i mthus sku lus shin tu ngan pa/ pho ba la nad drag po skabs 'ga' rer zug rngu bzod brlag med pa 'byung ba cig yod/ de la lha rje sogs kyis kyang cher ma phan pa la/ rgyus yang 'ga' zhig na re/ mus kyi mkhar steng na ma gcig chos sgron zer ba'i sgrub pa mo mngon shes can khyad 'phags cig yod/ des nad pa mang po phan gyin 'dug zer nas der byon pas/ khyed kyi 'di sngon las su gda' bas phug sangs sangs rang mi 'gro/ 'phral