[A:422]phan pa lhur mdzad do/ /de bzhin du bsam gtan la blo kha phyogs pa'i gang zag rnams la ting nge 'dzin gyi phan yon dang bstan pa la bya ba tshul bzhin du bsgrub pa de chos shes nas nyams su len pa 'di kho na yin no zhes snyan par smra ba'i tshig yang dang yang du gsungs pas/ gdul bya de dag ting nge 'dzin nyams su len pa la 'jug par mdzad do/ /gdul bya ting nge 'dzin la dad par byas zin pa'i gang zag thun mong ba rnams la theg pa chen po'i blo sbyong don bdun ma/ lam rnam par nges pa/ ka ma la shI la'i dbu ma sgom rim na ji ltar 'tsham par gsungs la/ thun mong gi lam gyis rgyud sbyangs pa'i gang zag rnams la/ gsung ngag sbyor drug /gsang 'dus rim lnga rnams ji ltar 'os par gsungs nas/ gdul bya'i rgyud ting nge 'dzin la longs spyod du 'jug par mdzad do/ /gdul bya gzhan la man ngag bstan pa ltar rang nyid kyang nyams su len te/ gsung ngag sngon ma zhus nas da nyams len la dril dgos pa 'dra snyam pa'i 'dun pa skyes pa na/ mtshan cig mnal lam du zhi dgon gyi ri la 'dzegs nas khang chung cig tu phyin pas/ de na rje btsun ga ya dha ra yin snyam pa'i paNDi ta dkar po cig na re/ lam gyi thun bzhi la dbang bzhi bsgoms pas lus la brten nas bde chen gyi sgrib pa 'gag cing 'tshang rgya bar gsal bas bshad rgyud ces pa'i gzhung de 'don gyin 'dug pa gsal po cig rmi/ sad pa dang da der bsdad pa 'thad pa yin dgongs te/ zhi dgon ri khrod la mkhar las mdzad nas bde bar ma gshegs kyi bar la gnas de nyid du bzhugs nas 'du 'dzi dang rnam g.yeng thams cad spangs te/ nyams len kho na la dril nas bzhugs pas nyams rtogs khyad par can rgyud la 'khrungs shing / de'i rgyud thugs dam la brtson par mdzad de/ de yang tho rangs ldang ba'i rnal 'byor gyis langs te skyabs 'gro mang du mdzad/ de nas spyod 'jug nas 'byung ba'i sems bskyed rgyas pa re len/ de nas lam zab bla ma'i rnal 'byor dang / de'i de kho na nyid la sems 'jog pa'i skabs su yun ring du mnyam par 'jog /'dir sbyor