[A:391]ba'i dge 'dun mkhas shing btsun pa bstan pa 'dzin pa'i gnas brtan chen po bcu bdun tsam gyi dbus su lcags mo lug dbo'i zla ba'i yar tshes brgyad kyi nyi ma bzhi cha shar ba'i dus su bo dong bya rgod gshongs kyi gtsug lag khang du/ gcan po 'jam pa'i dbyangs don yod rgyal mtshan dpal bzang po dang sku mched gnyis bsnyen par rdzogs par mdzad do/ /mkhan chen bsod nams grags pa dang / mkhan chen bsod nams bzang po pa las 'dul ba mdo rtsa/ lung sde bzhi la sogs pa 'dul ba'i cha lag lag len dang bcas pas thog drangs te/ chos kyi rnam grangs du ma gsan no/ /de nas bzung ste 'dul ba'i spang blang gi nyes ltung phra mo yang khyad du mi gsod cing / pham lhag sogs kyi nyes pas mi gos pa yin no/ /yang dpal ldan sa skya'i chos lugs sangs rgyas nas da lta'i bar du snyan brgyud bzhis gdams pa bar ma chad pa'i byin rlabs kyi brgyud pa dang gdams pa dang ldan pa'i sgrub rgyud kyi bstan pa 'dzin pa rnams kyi mchog /skyes bu dam pa rnams kyis bsten pa'i chos kyi rje brag phug pa chen po bsod nams dpal ba'i drung du/ gsung ngag rin po che lam 'bras bu dang bcas pa'i dbang byin rlabs khrid man ngag thams cad lag len dmar khrid du gsan cing thugs su chud par mdzad de/ lus dkyil gyi dbang bskur ba'i tshe/ lus dkyil gyi lha tshogs lus kyi gnas de dang de ru byon nas bzhugs pa'i snang ba byung / bde drod la sogs pa'i nyams rtogs bsam gyis mi khyab pa 'khrungs/ gzhan yang bde mchog lo nag dril gsum/ gshed dmar lha bcu gsum ma/ 'jigs byed rwa lugs/ ma hA mA ya/ sgrol ma lha bcu bdun ma/ rigs gsum spyi dbang / phag mo skor gsum/ chos skyong che chung la sogs pa'i dbang byin rlabs rjes gnang / chos rje khu dbon gyi bka' 'bum phal che ba dang / lung man ngag mang po gsan